15/02/2024 16:36
《開市Good Morning》溫鋼城講科技股、春節行情股
《開市Good Morning》香江魚缸龍年開市連升兩日,高位上過萬六關樓上,收市靠穩,升65點,報15944點,北水未回歸,成交只有470億。雖然守得住10天及20天平均線,始終現時大市目前冇乜方向,要進一步突破仍需有成交配合,待神州魚缸復市、北水回歸再部署都未遲? 花旗國對沖基金經理Michael Burry進一步增持阿里巴巴(09988)、京東(09618),阿里更成為旗下對沖基金最大持倉,佔其資產6﹒15巴仙,而楓葉國最大退休基金CPPIB亦加倉阿里,大型基金撈底科技股,可作參考指標?雖然幾隻科技股基本面冇太大變化,但起碼令投資者稍微恢復信心? 截至年初五共五日假期,到訪馬交旅客量已經近90萬人次,當中以神州旅客為主,不過神州旅客消費習慣改變,上個黃金周長假期,都係旺丁不旺財,今次旅客量有增長又可否丁財兩旺?賭股呢波反彈到尾聲未? 聽日(16日)《開市Good Morning》搵嚟iFAST Global Markets副總裁溫鋼城,同大家分析上述股份、大市走勢,當然唔少得分析其他焦點股份!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=WeL_eEwhSXg打個卡先又得!
【你點睇】美眾院通過法案,香港駐美經貿辦恐遭關閉,你是否支持中方對此作出強烈反制?► 立即投票