08/07/2024 16:57
《開市Good Morning》黃瑋傑分析大市、中特股
《開市Good Morning》香江魚缸今個星期出師不利,除咗因為花旗國非農就業人數增幅放緩、強化孖屐對聯儲局最早9月減息嘅押注之外,人行又出奇招,拖累神州及香江魚缸。香港魚缸收跌275點,報17524點,成交得800幾億銀,認真濕滯。當中航運股跌勢驚人,東方海外(00316)收跌超過6巴仙,另外,比亞迪電子(00285)都跌超過半成。魚缸日內連250天線都失守過,若果進一步退守至17400點水平,同時亦都會低過黃金比例回調0﹒618倍,而且成交未回勇,三中全會又未到,暫時仍然未有利好催化劑,魚缸仍然以整固為主? 影響魚缸因素當然唔少得神州政策,神州六大部門祭出17項舉措,對中資背景佔多嘅香江魚缸而言,影響程度有幾大?主要係中資金融股受累,定係成個孖屐都會受到影響?三中全會不宜期望過高?現時托市工具買少見少,已經由數量型工具轉向價格型工具? 至於中特估方面,中資電訊股仍然係孖屐關注點。眼見三隻中資電訊股都已經重返2019年,甚至2015年嘅水平,究竟邊一隻最具財息兼收潛力?即使話行業鬥快6G趕上岸,不過現階段最受惠嘅未必係電訊股,反而係電子設備股? 聽日(9日)《開市Good Morning》搵嚟輝立證券董事黃瑋傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=LOD2XEYGprU打個卡先又得!
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇