《開市Ｇｏｏｄ　Ｍｏｒｎｉｎｇ》香江魚缸連升兩日，午後喺Ａ股造好帶動下，升幅一度擴大至約５００點，高位逼近１９７００點水平，亦一舉收復１０天線（約１９４５５點），收市仍升４４３點。１１月期指於本周四（２８日）結算，指數明顯反彈，主要同期指轉倉活動有關？　　　美團（０３６９０）將於周五（２９日）放榜，券商普遍預測Ｎｏｎ－ＧＡＡＰ經調整溢利將達１１０﹒１億至１３７﹒６８億元人仔，按年最多增１﹒４倍，收入預計增長約兩成。美團績前有炒作，收市彈逾７巴仙，孖屐對業績利好憧憬有機會業績前已基本反映？績後獲利回吐風險大？　　　傳比亞迪（０１２１１）要求供應商２０２５年減價一成，其後官方澄清非強制要求，股價曾跌逾２巴仙，屬孖屐反應過度？減價一成嘅減幅合理嗎？若龍頭比亞迪明年供貨產品減價，將對其他車企造成更大壓力？　　　明天（２８日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｕＨｇｔ８ｄａｗＲＦＭ打個卡先又得！

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票