《開市Ｇｏｏｄ　Ｍｏｒｎｉｎｇ》香江魚缸高開後曾高見１７８０７點，可惜１０天線得而復失，大市再掉頭向下，上升動力不足下，全日波幅只有１５０點，三中全會踏入第三日，至今未有任何官方報道，亦冇任何具體「救市」消息，靠三中全會作魚缸轉勢嘅催化劑，呢個期望要落空？大市上周五裂口向上，周二又裂口下跌，出現島形頂利淡訊號，向下再考驗１００天線（１７５５２點）及２５０天線（１７４８５點）機會大？　　中石油（００８５７）及中海油（００８８３）雙雙跌逾半成，落到去保歷加通道底，中海油更加跌穿埋通道底，強勢股回調，係吸納好時機？國際油價連跌三日，不過三桶油升嘅時候都唔係跟油價升，反而同國企改革關係更大，今次油股跌同油價關聯性亦唔大？　　周四（１８日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＺＺ－＿ＦＤｑｈＳｘＹ　打個卡先又得！

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇