《開市Ｇｏｏｄ　Ｍｏｒｎｉｎｇ》香江魚缸連跌兩日，午後沽壓加重，恒指最多跌逾２１０點，低見１７２５１點，創近三個月低位。最終收跌１５８點，報１７３１１點，失守２５０天牛熊分界線（約１７４５４點）。資金於現水平仍無意入場撈底，恒指７月份波幅暫時只係１０００點左右，本月餘下時間好大機會再落返去萬七關搵支持？加上１７０００至１７３００點係牛證重貨區，進一步殺牛嘅可能性大？　　科技指數更跑輸大市，當中美團（０３６９０）跌４巴仙，有份拖低大市。不過隻網易（０９９９９）逆市升，旗下旗艦武俠類遊戲《永劫無間》周四（２５日）公測上線，目前參與預約的玩家已突破４千萬人，之前孖屐對呢隻遊戲都有期待，暫時反應都唔錯，可以成為股價嘅催化劑？藉此突破橫行區間？　　美股Ｔｅｓｌａ第二季淨利按年大跌四成半至１４﹒８億美元，每股收益０﹒５２美元，已連續四季負增長；營業利潤率降至６﹒３巴仙。魚缸一眾車股都要「陪跌」，孖屐對新能源車企前景憂慮增？　　周四（２５日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＸｕＳ－０Ｆｔｖ００Ｙ　打個卡先又得！

《說說心理話》心理急救II：幾個徵兆辨認身邊人需要心理支援！點樣對情緒進行急救、自我照顧？專家分享穩定情緒小練習► 即睇