《開市Ｇｏｏｄ　Ｍｏｒｎｉｎｇ》受惠外圍減息情緒再度升溫，香江魚缸今日（２６日）高開高走，最多曾升２１３點，不過高位仲係突破唔到萬八關。最終收市升１８６點，收報１７７９８點，升幅約１巴仙，全日成交８３６億銀。魚缸喺成交相對淡靜嘅市況突破５０日線，暫時只宜視為假突破？短線睇本周四（２９日）期指結算，唔排除呢幾日喺高位轉倉；若未能回補７月中下跌裂口，恐仍受制萬八關？　　除咗魚缸表現好，今日都有三隻藍籌內需股，包括農夫山泉（０９６３３）、潤啤（００２９１）、安踏（０２０２０）均從谷底彈起、跑贏大市，其中農夫山泉同安踏聽日（２７日）齊齊放榜，今日大幅反彈僅屬績前炒作？但兩者早前都分別受公司輿論風波及品牌銷量增長下跌等負面消息影響，績前還剩甚麼值得炒作之處？內地消費市道最壞時候未過？７月經濟數據已預告下半年經濟前景仍難望樂觀？而中央進一步加強支持消費以舊換新，反而演變成行業凶兆？　　聽日《開市Ｇｏｏｄ　Ｍｏｒｎｉｎｇ》搵嚟中薇證券研究部董事黃偉豪，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｐｊＣ９ｊＡＣＱＧＩｗ　打個卡先又得！

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票