03/07/2024 11:59
《魚缸博客》中國中免又爆升,皆因內地將進行消費稅改革?
《魚缸博客》哇哇哇!幾耐未見過中國中免(01880)有作動,今日爆升一成半,令沉寂已久嘅股價又再彈起,開心仔。 點解會升?因為有內地媒體表示兩大消息,第一就係萬億級消費稅改革將近,奢侈品、高檔服務或率先試點;第二就係改革消費稅的呼聲很高,由於《消費稅暫行條例》最後一次修訂是在2008年,部分條款已不適應當前市場環境,所以如果要刺激內地消費,改革就似乎事在必行。 由於近期中美關係緊張,好多貨物去到外國都要打重稅,即係話要刺激內銷,首先要改變就係稅制,特別係奢侈品、汽車呢類消費品。其實內地都一路寬免緊好多國家,例如最近有消息指,7月1開始至2025年12月31日,新西蘭、澳大利亞、波蘭3個國家持普通護照人員來華經商、旅遊觀光、探親訪友和過境不超過15天,可免簽入境,某程度上都係想吸引外國遊客到中國消費。 中國中免股價早幾日見過47﹒7歷史新低,就算現價入手,對比起歷史高位280蚊,目前仍算低水之作,如果睇好中國消費升級,以及食正稅制改革呢一陣風,建議可以持有小小擺係倉入面。 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票