09/07/2024 17:36
《開市Good Morning》熊麗萍分析大市、芯片股
《開市Good Morning》香江魚缸明明下晝都可以靠住神州魚缸發力由跌轉升,點知臨近尾市腳軟,最終收市轉跌唔夠1點,還原基本步收報17523點,成交仍然未夠千億銀無睇頭。資金流入牛證同貼價熊證,走勢上亦都沿著下降通道反覆向下,由技術走勢同牛熊證街貨分布睇,魚缸短期內喺17200點至17500點上落,半天吊嘅機會較大? 孖屐冇太多利好催化劑炒作下,就只能夠炒作有好消息嘅芯片、蘋果概念股撐住。不過魚缸全日升幅都唔算全面,升跌股份比率相若。如果魚缸升幅過分集中於電子或芯片行業,恐怕會步花旗國孖屐後塵,過分側重於某行業?香江魚缸同時又冇花旗國孖屐咁大嘅彈力,變相靠消息炒上嘅拉升動力只係屬於虛火?今日市況可能已反映虛火連一日都頂唔順! 雖然芯片巨企ASML嘅CEO明言世界需要神州芯片,但係神州芯片技術又未及外圍芯片咁把炮,發展AI所需要嘅高速芯片未必係對標國產芯片?中芯國際(00981)同華虹半導體(01347)股價都已經呈中期上升軌道、跑贏大市,利好因素係咪已經充分反映晒喺股價上?而蘋果概念股亦都因為新手機備貨指引略有上調帶動,今日表現亮麗。不過換機始終有完結嘅一日,當產品升級至一定水平之後,對新產品嘅需求就會降低,變相想嚐新品紅利就要趁快? 周三(10日)《開市Good Morning》搵請來資深財經分析師熊麗萍,同大家分析上述股份、大市走勢,以及即日日焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=a6wnOtbzuN0 個卡先又得!
WoW WoW星期三:健康網購產品低至$99!(只限今天)► 火速行動