29/07/2024 16:49
《開市Good Morning》黃瑋傑明講科技股、本地地產股
《開市Good Morning》受惠於孖屐憧憬花旗國即將減息,年內減息次數預期更增至三次,帶動香江魚缸上日一度突破17,300點水平,收市升217點,報17,238點,不過主板成交繼續水皮,900億銀都唔夠。單靠炒減息消息又有望支持魚缸升勢維持至8月業績期?部份息口敏感股例如新經濟股、公用股等等今日都有得升,領展(00823)已經突破今年以來嘅下降軌,中電(00002)同電能實業(0006)就高見52周高位,呢批息口敏感股仲有冇上望空間呢?仲可以點樣部署?不過北水熱情降溫,又有冇啲咩啟示? 科技股當中以阿里巴巴(09988)表現最標青,高位上返77銀樓上,亦都重返250天線,即係俗稱牛熊分界線,除咗減息預期升溫外,原來升勢仲關奧運事!另外,富瑞看好9月天貓新收費模式,呢兩個利好因素仲可以支撐股價幾耐,而家阿里巴巴又有冇條件企穩250天線呢? 轉睇睇本地地產股,差估署公布咗今年上半年嘅本地樓價同租務市場表現,成個第二季樓價按季跌咗超過2巴仙,上半年計樓價更加累跌超過3巴仙,有業內人士預計全年樓價跌幅有機會擴大至到8巴仙,黃師傅又點睇?租務市場經歷暑假旺季效應之下,嚟緊有冇機會重展較大升幅? 聽日(30日)《開市Good Morning》搵嚟輝立證券董事黃瑋傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱live╱Yxfymd75uk8打個卡先又得!
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票