29/05/2024 16:38
《開市Good Morning》林家亨講科技股、比亞迪新車
《開市Good Morning》香江魚缸收跌逾340點,唔通調整趨勢仲未完?神州市監局指,要健全直播電商平台常態化,監管會商協調機制,規範平台經濟領域價格收費行為,今次再次舊事重提要加強反壟斷,在呢個時間點發布有咩用意?規範平台經濟領域價格收費,對相關平台股實際影響又有幾大?比亞迪(01211)發布最新插電式混合動力技術「第五代DM-i雙模混動系統」,指系統可讓發動機熱效率達到46%,百公里虧電油耗2﹒9升,綜合續航2100公里,同時發表兩款搭載新技術的車型「秦L DM-i」和「海豹06 DM-i」,售價由9﹒98萬至13﹒98萬人仔,不過神州插混車市場競爭相對較大?領展(00823)公布,截至去年可分派總額為67﹒18億,按年增長6﹒4巴仙,始終大家買領展都係為收息,可分派總額達到市場預期嘅上限,業績算係收貨? 聽日(30日)《開市Good Morning》搵嚟國農證券董事總經理林家亨,同大家分析上述股份、大市走勢,當然唔少得當日嘅焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=TEBy1B5m240打個卡先又得!
【你點睇】國家隊奧運健兒訪港,有市民指難以購票感到遺憾► 立即投票