《開市Ｇｏｏｄ　Ｍｏｒｎｉｎｇ》人仔兌美金中間價較上周五下調５點子，離岸人仔曾再創逾７個月低位，香江魚缸一開市已失守萬八點大關，跌幅一度擴大至近２４０點，暫未跌穿上周低位１７７５２點，不過臨近尾市重上萬八關，收市跌幅收窄至不足１點，成交不足千億，萬八樓下亦未見有大量買盤低吸，全日走勢反覆同半年結前夕資金想反攻有關？下個位置下試２５０天線（即１７６００點）機會大嗎？　　向來被視為保值商品之一嘅貴州茅台，近日批價大跌，今早散瓶批發參考價跌至２０８０人仔，而原箱批發參考價見２４２０人仔，貴州茅台今早Ａ股開市後跌逾３巴仙，但很快收復失地，今輪茅台價格波動只屬短時間現象？風險出清後可逐步企穩？抑或反映神州民眾消費結構上改變？貴州茅台近年持續係Ａ股市值第一，但逐漸被工行（０１３９８）追上，背後又有何啟示？體品股方面，安踏體育（０２０２０）首季零售流水按年有中單位數升幅，加上庫存較佳，適逢巴黎奧運將至，對相關股份銷售表現及股價會有幫助嗎？　　聽日（２５日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＶＳｍＮｎＢｉｃＤｑｋ打個卡先又得！

【香港好去處】etnet全新頻道盛大推出！全港最齊盛事活動資訊盡在掌握！► 即睇