《魚缸博客》今日半導體股全面攀升，特別係隻宏光半導體（０６９０８），升幅高達三成幾，其他半導體都有５至１０％升幅，有咩新聞咁犀利？　　原來，國家集成電路產業投資基金三期股份有限公司已正式成立，註冊資本高達３４４０億ｍ元人民幣，之前美國台灣都壟斷晒半導體出口，中國勉強突破技術關口，雖然製作到類似７ｎｍ工藝產品，但同真正７ｎｍ都仲係一段距離，國家輸入大資金係有小小刺激作用，不過話返兩頭，半導體唔係話你有錢就得，例如光刻機就要從荷蘭輸入，光刻膠就要從日本輸入，都要全球供應鏈配合先得。　　睇睇券商點講，平安證券稱，大基金三期註冊資本超市場預期，鑑於前兩期大基金撬動的地方政府資金、私募股權基金等社會資金規模遠超大基金本身的募集規模，大基金三期的成立將進一步推動關鍵領域的國產化進程；中信證券預計三期投向中，半導體製造仍為最大，並有望進一步加大支援設備、材料、零部件、ＥＤＡ、ＩＰ等卡脖子領域，建議持續關注相關領域龍頭企業。　　博客認為，宏光半導體已經落到毫子股，以實業股計，已經跌無可跌，就算而家要入，都輸唔到去邊，加上有國策扶持，有機會上返去一蚊以上都唔出奇！　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】本港主要銀行跟隨美聯儲減息，你對樓市前景有否信心？► 立即投票