28/02/2018 17:43
《小傳日記》鮑威爾放鷹，震散港股匯！
《小傳日記》香江魚缸噚日（２７日）已經要調頭碌落山，點知一碌再碌，皆因花旗國聯儲局新「揸Ｆｉｔ人」鮑威爾登場，首次國會聽證即「放鷹」，暗示有機會今年加息四次，道指跣低２９９點完場報２５４１０，傷。 香江魚缸今朝（２８日）都嚇到低開２３１點報３１０３７，跌穿廿天線，點知淡友原來未夠喉，一眾內銀、內險、內房佬繼續捱打。大市開市五分鐘左右，跌幅就急擴至約４００點。最慘係股王ＱＱ（００７００）又再次被攻陷，拖低大市最多急插５６４點至３０７０３，連十天線（約３０９６２）、五十天線（約３１０３３）都無埋，好友傷亡慘重。 總結全日戰況，ＱＱ收低逾３巴仙報４３２﹒２銀，一次過失守十天、廿天及五十天線，係第二差藍戰；建行（００９３９）、工行（０１３９８）、中行（０３９８８）都碌低２至３巴仙，各收８﹒１５銀、６﹒７６銀及４﹒２７銀。咁多大藍戰都舉白旗，恆指收市都唔見４２３點或１﹒４巴仙，報３０８４４；國指再次跑輸，收低２６４點或２﹒１巴仙報１２３８２，全日成交逾１３５３億銀，同噚日唔係差好多。 但有一點要提醒缸友，由於孖屐驚咗花旗國加快加息，港匯喺香江時間４：０１ｐｍ，再度轉弱，最殘見７﹒８２９８，係２００７年８月以來最低水平添呀！有貨缸友小心魚缸聽日又震過呀！
＊波叔嗌小心磚頭佬謹慎，物流要崛起股仔好歡喜＊
財政司司長波叔（陳茂波）今朝發表財政預算案，預期喺未來五年私人住宅單位的平均落成量將達到每年約２０８００個，不過因為花旗國利率正常化繼續推進，香港嘅超低利率都幾難持續，樓市可能有壓力呀。磚頭佬普遍腳仔軟，九倉（００００４）碌低近１巴仙，報２９﹒３銀；長實（０１１１３）跌約半個巴仙，報６７﹒７銀；信置（０００８３）挫超過２巴仙，報１３﹒８４銀。噚日公布業績嘅新地（０００１６）有大和繼續唱好，微微踢高近１巴仙。 波叔仲話要加強香江嘅貿易同埋物流中心地位，表示政府會積極改善配套，令空運同埋海運嘅處理量都可以增強喎。部分物流佬就借機會偷偷地跳起，當中盛良物流（０８２９２）就最勁揪，飛起２３巴仙，報１﹒４２銀。不過，嘉里物流（００６３６）就腳軟近１巴仙報１０﹒６６銀。
＊阿媽獲祝福吉利好氣勢，生發發失寵內房遇冷鋒＊
砵砵車吉利（００１７５）新ＳＵＶ車型進軍俄羅斯，目標年銷量５萬架。另外，之前母公司吉利集團入股德國平治母公司戴姆勒，似乎獲得德國總理默克爾支持，令到股價飆前２巴仙，報２５﹒５５銀。 生發發（００３８８）全年生意十分好，多賺近三成，達７４億銀，末期息每股２﹒８５銀，不過孖屐今日氣氛差，最終生發發都係隨市跣低２巴仙，報２８４銀。 神州磚頭就遇冷鋒，有消息指中信銀行叫停北京地區住房抵押貸款，中海外（００６８８）、潤地（０１１０９）呢Ｄ磚頭就唔見約３巴仙至４巴仙，分別報２７﹒５銀及２７﹒９５銀。融創（０１９１８）、碧桂園（０２００７）就分別無咗約１巴仙，報２８﹒７銀及１４﹒０８銀。
＊績優缸友愛友邦見穩收，玖紙再飛升銀娛亦夠勁＊
ＡＩＡ（０１２９９）作為藍戰之一，今日表現真係唔話得。大市唔見四、五百點，ＡＩＡ都仲可以逆市企定！公司噚日開市前出完靚仔業績之後，大行都出嚟唱好，當中大和看好畀「他屐」到８６銀，評級重申「掃貨」。公司今日仲要裂口高開，之後埋單靠穩報６５﹒５５銀，勁！ 玖紙（０２６８９）業績好，今日繼續熱炒，高盛維持「掃貨」評級，股價再飆上近２巴仙，報１４﹒１２銀；街坊理文造紙（０２３１４）中午宣布全年多賺７６巴仙，當然開心跳高，點知缸友好消息出貨，埋單倒跌近３巴仙收８﹒９５銀，真無癮。 賭股大阿哥銀娛（０００２７）全年多賺近七成，派特別息４１仙，瑞信繼續睇好銀娛之下，股價彈高逾１巴仙，報６８﹒５銀。仲有溫馨提示，馬交賭收最快聽日公布，一班兄弟好似永利馬交（０１１２８）都逆市微升喇，唔通有好消息？
＊摩指新成員旭輝卻沉船，直通可留低全魚缸最威＊
旭輝（００８８４）今日收咗市之後，就納入ＭＳＣＩ中國指數喇，同時亦即將向中國小型股指數Ｓａｙ Ｇｏｏｄｂｙｅ，正當各位缸友覺得呢個小小嘅轉變會帶嚟希望，點知事與願違，缸友一早消化晒呢個消息，旭輝惟有隨市跪低，最終完場時便瞓低約５巴仙，埋單６﹒１６銀，有貨嘅缸友跌到一地眼鏡碎。 傷心嘅唔單止係旭輝，仲有中國白銀（００８１５）！佢分拆嘅線上珠寶零售商金貓銀貓（０１８１５），由今日起至３月５日中午招股，一共發行近２億股。同時，公司仲打算，向每持有公司６０股股份嘅合資格股東，分發一股金貓銀貓股份添呀。但中國白銀全日仍然翻唔到身，收市仍收跌近５巴仙，報１﹒８１銀。 另一邊廂，直通電訊（０８３３７）嘅上市地位終於有新進展啦！創業板嘅上市委員會表示，依家終於證明到佢可以擁有足夠業務運作，仲保證到股份可繼續上市添，因此就推翻之前取消公司上市地位嘅決定。消息一出，直通電訊一度瘋炒急彈５倍至０﹒２４８銀，創咗２０１６年６月以來嘅高位，雖然之後升少咗，但都仲仍然飛起約３倍，報０﹒１６５銀，勁！請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊波叔嗌小心磚頭佬謹慎，物流要崛起股仔好歡喜＊
財政司司長波叔（陳茂波）今朝發表財政預算案，預期喺未來五年私人住宅單位的平均落成量將達到每年約２０８００個，不過因為花旗國利率正常化繼續推進，香港嘅超低利率都幾難持續，樓市可能有壓力呀。磚頭佬普遍腳仔軟，九倉（００００４）碌低近１巴仙，報２９﹒３銀；長實（０１１１３）跌約半個巴仙，報６７﹒７銀；信置（０００８３）挫超過２巴仙，報１３﹒８４銀。噚日公布業績嘅新地（０００１６）有大和繼續唱好，微微踢高近１巴仙。 波叔仲話要加強香江嘅貿易同埋物流中心地位，表示政府會積極改善配套，令空運同埋海運嘅處理量都可以增強喎。部分物流佬就借機會偷偷地跳起，當中盛良物流（０８２９２）就最勁揪，飛起２３巴仙，報１﹒４２銀。不過，嘉里物流（００６３６）就腳軟近１巴仙報１０﹒６６銀。
＊阿媽獲祝福吉利好氣勢，生發發失寵內房遇冷鋒＊
砵砵車吉利（００１７５）新ＳＵＶ車型進軍俄羅斯，目標年銷量５萬架。另外，之前母公司吉利集團入股德國平治母公司戴姆勒，似乎獲得德國總理默克爾支持，令到股價飆前２巴仙，報２５﹒５５銀。 生發發（００３８８）全年生意十分好，多賺近三成，達７４億銀，末期息每股２﹒８５銀，不過孖屐今日氣氛差，最終生發發都係隨市跣低２巴仙，報２８４銀。 神州磚頭就遇冷鋒，有消息指中信銀行叫停北京地區住房抵押貸款，中海外（００６８８）、潤地（０１１０９）呢Ｄ磚頭就唔見約３巴仙至４巴仙，分別報２７﹒５銀及２７﹒９５銀。融創（０１９１８）、碧桂園（０２００７）就分別無咗約１巴仙，報２８﹒７銀及１４﹒０８銀。
＊績優缸友愛友邦見穩收，玖紙再飛升銀娛亦夠勁＊
ＡＩＡ（０１２９９）作為藍戰之一，今日表現真係唔話得。大市唔見四、五百點，ＡＩＡ都仲可以逆市企定！公司噚日開市前出完靚仔業績之後，大行都出嚟唱好，當中大和看好畀「他屐」到８６銀，評級重申「掃貨」。公司今日仲要裂口高開，之後埋單靠穩報６５﹒５５銀，勁！ 玖紙（０２６８９）業績好，今日繼續熱炒，高盛維持「掃貨」評級，股價再飆上近２巴仙，報１４﹒１２銀；街坊理文造紙（０２３１４）中午宣布全年多賺７６巴仙，當然開心跳高，點知缸友好消息出貨，埋單倒跌近３巴仙收８﹒９５銀，真無癮。 賭股大阿哥銀娛（０００２７）全年多賺近七成，派特別息４１仙，瑞信繼續睇好銀娛之下，股價彈高逾１巴仙，報６８﹒５銀。仲有溫馨提示，馬交賭收最快聽日公布，一班兄弟好似永利馬交（０１１２８）都逆市微升喇，唔通有好消息？
＊摩指新成員旭輝卻沉船，直通可留低全魚缸最威＊
旭輝（００８８４）今日收咗市之後，就納入ＭＳＣＩ中國指數喇，同時亦即將向中國小型股指數Ｓａｙ Ｇｏｏｄｂｙｅ，正當各位缸友覺得呢個小小嘅轉變會帶嚟希望，點知事與願違，缸友一早消化晒呢個消息，旭輝惟有隨市跪低，最終完場時便瞓低約５巴仙，埋單６﹒１６銀，有貨嘅缸友跌到一地眼鏡碎。 傷心嘅唔單止係旭輝，仲有中國白銀（００８１５）！佢分拆嘅線上珠寶零售商金貓銀貓（０１８１５），由今日起至３月５日中午招股，一共發行近２億股。同時，公司仲打算，向每持有公司６０股股份嘅合資格股東，分發一股金貓銀貓股份添呀。但中國白銀全日仍然翻唔到身，收市仍收跌近５巴仙，報１﹒８１銀。 另一邊廂，直通電訊（０８３３７）嘅上市地位終於有新進展啦！創業板嘅上市委員會表示，依家終於證明到佢可以擁有足夠業務運作，仲保證到股份可繼續上市添，因此就推翻之前取消公司上市地位嘅決定。消息一出，直通電訊一度瘋炒急彈５倍至０﹒２４８銀，創咗２０１６年６月以來嘅高位，雖然之後升少咗，但都仲仍然飛起約３倍，報０﹒１６５銀，勁！請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
【etnet 30周年】多重慶祝活動一浪接一浪，好禮連環賞！ ► 即睇詳情