《開市Ｇｏｏｄ　Ｍｏｒｎｉｎｇ》魚缸今日回吐逾２００點，高、低位都向下移，好在成交得一千億鬆啲，反映沽壓唔大；但係９天ＲＳＩ喺５０徘徊，即係話，亦未見有明顯嘅上升動力。恒指上星期兩度喺２０８００前面遇到阻力，而家上方亦都有條５０天線壓住，呢個係過去３個月以嚟嘅阻力位，暫時判斷短期內升得破５０天線嘅機會又有幾大？　　近排除咗睇住業績股，大家都留意即將除淨嘅股份。今個星期三有今日破頂嘅東方海外（００３１６），亦有中移動（００９４１），兩股自月內低位反彈幅度明顯有別，前者升咗兩成七，後者只升半成。除淨前股份嘅唔同走勢，對短線投機者同埋中長線投資者嘅除淨前買賣決定，又有咩影響？　　聽日（２４日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份、大市走勢，同埋當日嘅焦點股，包括啱啱公布業績嘅小鵬汽車（０９８６８）！歡迎大家提問投資及其他股票問題。　　記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟（ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｔ６Ｐ２ｍｋ８Ｇｃ＿Ｕ）打個卡先又得！

樂本健【秋日開倉26 - 27/9】保健品低至$20！► 火速行動