《小傳日記》說話近日大市反覆上落，噚晚花旗國曾一度大升４００點，個「孖屐」估緊究竟塵埃落定嘅加息會唔會再出現轉機呢？侵侵（特朗普）已經多次話過大市下挫嘅元兇就係因為聯儲局，所以下個禮拜就有定案，道指收報２４５２７點，升１５７點或逾０﹒６巴仙。納指收報７０９８點，升６６點或近１巴仙，標普收報２６５１點，升１４點或０﹒５４巴仙。　　魚缸今日都跟花旗個邊抽一抽高，恆指今早高開２３１點後積極上揚，香江地產佬一聽到話唔加息，就立即飛高高賀賀佢，加上內房佬同樣發力，早市一段抽升至２６５８１點，升３９５點。午後升幅度似乎收窄，並由馬交佬同車佬撐市，最終恆指收報２６５２４，升３３７點或１﹒２９巴仙，成交額７９３億銀。國貨方面收報１０５５６點，升１３９點或１﹒３４巴仙。　　Ａ場今日繼續反彈，上證收報２６３４點，升３１點或１﹒２３巴仙。深證收報７８０８點，升１１０點或１﹒４３巴仙。　　大隻藍戰士方面，雖然ＱＱ音樂係花旗上市，但魚缸ＱＱ（００７００）好似無太多動作，收市升近０﹒６巴仙，報３１８﹒６銀。ＡＩＡ（０１２９９）略現反彈，升逾１巴仙，收報６４﹒６銀。大象（００００５）今日發力，收市升近２巴仙，收報６５﹒２銀。中移動（００９４１）收市升近０﹒３巴仙，報７７﹒４５銀。　＊加息現轉機地產佬冒起，企業債誤解內房密密升＊　　　「孖屐」對於下個禮拜加唔加息嘅睇法出現分歧，因為侵侵（特朗普）都次批評之外，花旗經濟確實真係放緩，所以加息機率而家都係跌至六成左右。香江地產佬個個都鬼打咁精神，唔加息就有機會令樓市反彈嘛！好似信置（０００８３）又創新高，收市升近２巴仙，報１４﹒０８銀。新地（０００１６）升近３巴仙，報１１５銀。新世界（０００１７）升逾２巴仙，報１０﹒８８銀。九倉置業（０１９９７）升逾２巴仙，報５０﹒０５銀。長實（０１１１３）升近１巴仙，報５７﹒３５銀。　　內房佬本來都有好消息，因為噚日發改委出個新通知，被解讀為發改為支持內房發企業債。但今日內地媒體指，其實個通知係被誤解，企業債係唔支持商業項目。今日內房佬真係高潮迭起後升幅收窄，恆大（０３３３３）升逾３巴仙，報２５﹒６銀。碧桂園（０２００７）升近４巴仙，報９﹒８銀。中海外（００６８８）升近３巴仙，報２７﹒９銀。融創中國（０１９１８）升逾５巴仙，報２７﹒７５銀。潤地（０１１０９）升近５巴仙，報３１﹒３５銀。　＊關稅將向下車股無有怕，賭收有憧憬博彩股向上＊　　　　中美兩國首腦喺Ｇ２０峰會之會，一眾汽車股就不時成為焦點，早前神州為咗釋出善意，就透露會將花旗國進口車關稅由４０巴仙降到１５巴仙，令到一眾神州砵砵車驚驚要面對競爭，不過大和就話其實進口車嘅市佔率喺神州只有４巴仙，所以關稅下調對神州車企影響有限，而咁多車企入邊就偏好廣汽（０２２３８）主要因為佢估值吸引，今日佢全日走高逾３巴仙，報７﹒９１銀；長汽（０２３３３）就畀花旗重申「沽售」評級，不過就仍升近６巴仙報４﹒７７銀；北汽（０１９５８）升４巴仙報４﹒４２銀；吉利（００１７５）同東風（００４８９）齊漲４及３巴仙，分別報１４﹒７４銀同６﹒９６銀；比亞迪（０１２１１）升２巴仙，報５７﹒２５銀。　　孖屐憧憬馬交１２月賭收有表現，加上人仔兌一美元中間價上揚，刺激一眾博彩佬反彈，平均升２到４巴仙，永利馬交（０１１２８）、銀娛（０００２７）同金沙中國（０１９２８）齊齊升４巴仙，分別報１８﹒６８銀、５２﹒１銀同３５﹒８銀；美高梅（０２２８２）升逾３％，報１３﹒９６銀。新濠（００２００）亦走高２巴仙，１５﹒４２銀。澳博（００８８０）就升逾２巴仙，報７﹒４１銀。　＊基建股再起成為「穩定器」，水泥股上跨無視被削價＊　　　基建股再炒起，中金今日亦加把嘴話，出年神州基建投資增速有望回升５到１０巴仙，基建會再一次充當經濟增長嘅「穩定器」，噚日借消息炒上嘅中鐵建（０１１８６）同中車（０１７６６）今日再起，前者升４巴仙，報１１銀，後者升３巴仙，報７﹒８６銀，中鐵（００３９０）亦醒神，走高３巴仙，報７﹒５３銀，收復廿天（約７﹒３３５元）同五十天線（約７﹒３５１元）；中國通號（０３９６９）升３巴仙，報５﹒６７銀，中交建（０１８００）跟升近２巴，報７﹒６６銀。　　高佬一口氣下調三隻水泥佬嘅評級同「他屐」，不過就無阻佢哋齊齊上揚，其中海螺水泥（００９１４）嘅評級被降至「賣出」，「他屐」被削逾２２巴仙到３４銀，但全日仍漲逾４巴仙，報４０﹒６５銀；中國建材（０３３２３）嘅評級被降至「中性」，他屐」被削逾３６巴仙到６﹒９元，全日走高近５巴仙，報５﹒７４銀；金隅集團（０２００９）同樣被下調評級至「中性」，「他屐」亦被大削３９巴仙到２﹒８銀，但全日就升４巴仙，報２﹒５７銀。山水水泥（００６９１）宣布早前主要股東天瑞向開曼群島大法院，提出對佢進行嘅清盤呈請已被駁回，不過天瑞就此提交上訴書，清盤聆訊會喺出年舉行，今日山水水泥見過２﹒１銀之後反彈，全日走高逾１巴仙，報２﹒３銀。　＊手機設備佬高偉今跌倒，恆安涉造假股價慘受靶＊　　　手機設備佬們今日向左走向右走，比亞迪電子（００２８５）走高２巴仙，報１０﹒９６銀。華顯光電（００３３４）好勁，全日抽高６巴仙，報０﹒５６銀。丘鈦（０１４７８）都唔執輸，走高２巴仙，報４﹒３９銀。信利國際（００７３２）同高偉電子（０１４１５）就唔多Ｈａｐｐｙ，全日跌約２巴仙，報１﹒１６銀兼１﹒０２銀。　　恆安國際（０１０４４）表示，注意到沽空機構Ｂｏｎｉｔａｓ今日又發布咗另一份報告，恆安就強調報告喺錯誤、未經證實、毫無根據同埋惡意嘅，仲否認報告入面嘅所有指控，可惜仍難離沽壓，全日跌低近４巴仙，報５４﹒９５銀。請請！　　　　《編者按》本欄搜羅即日熱門傳聞，惟消息未經證實，《經濟通》亦不保證內容之準確性　　　　　　　本文只供參考之用，並不構成要約、招攬或邀請、誘使、任何不論種類或形式　　　　　　　之申述或訂立任何建議及推薦，讀者務請運用個人獨立思考能力自行作出投資　　　　　　　決定，如因相關建議招致損失，概與《經濟通》、編者及作者無涉。

【你點睇】本港主要銀行跟隨美聯儲減息，你對樓市前景有否信心？► 立即投票