《笑傲缸湖》盈盈最近經常聽到大家討論一個話題，就係打疫苗啦！朋友親戚主要都係諗兩個問題，第一個就係「到底打唔打？」而第二個問題就係「打邊隻好啲？」。都明白嘅，依家好快就會進入全民打疫苗階段，聽到之前咁多新聞話疫苗有副作用，大家都會有啲心慌！不過有一件事對香江市民一定有保障，就係啲疫苗都係真，唔怕打到假疫苗。　　點解盈盈咁講？就係因為聽聞輝瑞公司喺波蘭同墨西哥都發現咗假冒佢地公司嘅肺炎疫苗！據報道指，呢啲假疫苗係墨西哥已經有大約８０個人接種咗，而且假疫苗更賣成１０００美金一劑，完全係受騙嘅感覺！而且都唔知假疫苗對人體有咩影響。　　好彩嘅係接種咗假疫苗嘅人似乎未出現負面反應，不過大家都知，假疫苗成份不明，打咗就算無事，都會心慌慌。所以輝瑞公司就呼籲大家，叫大家唔好自己喺網上面買疫苗，要去官方疫苗接種中心，或者經認證嘅醫療機構先好接種疫苗。　　雖然喺香江未有哩個問題，係盈盈都覺得大家都要小心啲，唔好比啲騙子有機可乘！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健【秋日開倉26 - 27/9】保健品低至$20！► 火速行動