今日廣汽集團(02238)(滬:601238)AH股價一開市即狂飆，A股早盤漲停，H股猛漲逾兩成，盤中高見3.69銀，創11月新高。

　　廣汽集團呢次漲勢咁好，原來係因為佢哋喺上周六同華為簽咗深化合作協議，話要打造一個全新嘅高端智能新能源汽車品牌。廣汽集團嘅相關負責人都講咗，今次嘅合作模式同之前「問界、智界、尊界、享界」四界嘅鴻蒙智行模式唔一樣。

　　喺鴻蒙智行模式方面，一早同華為汽車嘅合作夥伴有賽力斯、北汽、江淮、奇瑞汽車，分別推出問界、享界、尊界、智界呢啲智能汽車品牌。

　　一講到同華為合作造車，「靈魂論」呢個話題又要再被拎出嚟講講。咁究竟乜嘢係「靈魂論」？喺2021年，上汽集團董事長陳虹講到同華為等第三方公司合作自動駕駛嘅時候就話，唔可以接受佢哋提供嘅整體解決方案，話「如果咁樣嘅話，佢哋就變成靈魂，而上汽就淪為軀體。對呢個結果，上汽肯定接受唔到，靈魂梗係要自己掌握住先得啦。」

　　一邊係堅持「靈魂論」唔同華為合作，另一邊係積極擁抱時代變化，銷量報喜。今年11月，鴻蒙智行依然穩居新勢力汽車交付量第二位，僅次於理想；連續7個月蟬聯中國汽車品牌成交均價第一。

　　睇返廣汽集團嘅股價走勢，今日出現裂口高開，預計短線將補回裂口底部（約2.99銀），現時仍處於升浪中，喺50天線（約2.90銀）見支持，預計將上望11月高位3.39銀。
　　
《編者按》本欄搜羅即市傳聞，惟消息未經證實，《經濟通》亦不保證內容之準確性。

想要獨家投資理財Tips？即Like etnet 全新Facebook專頁► 立即讚好