話說近期有大隻佬順豐控股(06936)上市，博客本身無抽，同樣都叫身邊朋友可以先觀望一下，因為就算抽中的話都唔會有太多油水。

　　第一，保薦人都係用大行，本身嗰幾間大行係保薦新股上市嘅成績都麻麻地，又唔會太多但好容易跌穿招股價，上下波動性好大；第二，順豐本身已經係成熟業務，呢一輪上市都係籌56.6億，對於順豐來講50幾億買幾架飛機都無左，所以上市志不在籌錢，而係第日股份可以再融資、獎勵股東之類操作。

　　第三，亦都係最重要一部分，就係因為順豐已經係一隻物流界「大笨象」，業務都已經擴展到去美國，可以再擴展空間已經有限，即係話股價上望都有限，博客覺得佢定價其實有點高，都唔俾水位散戶賺下，所以博客呢次都無抽。

　　咁幾多錢先合理呢？順豐係毛利上相對地比較低，順豐今年首九個月收入2000億人仔多小小，純利先76億人仔，毛利率13.7%，博客就覺得，係呢個市況，有機會回調落20蚊上落，先會有大戶入場炒起佢。呢個估價係博客心水價，大家可以參考下。

《編者按》本欄搜羅即市傳聞，惟消息未經證實，《經濟通》亦不保證內容之準確性。

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇