2023-09-14
盧瀚霆Anson Lo親解「P圖教主」因由!分享靚相被發現背景牆身彎曲:我會同花姐傾下
【晴報專訊】MIRROR成員「教主」盧瀚霆(Anson Lo)昨日到觀塘出席飲品活動,逾500位「神徒(粉絲)」到場支持,場面墟冚。Anson Lo日前在社交網分享靚仔相,被網民發現有P圖痕跡,他昨日解釋:「張相係花姐(經理人黃慧君)send畀我。」並謂自己不會P圖。
Anson Lo透露下月推出全新快歌。
500位「神徒」攻陷商場,場面墟冚。
穿上黃色冷衫現身的盧瀚霆,透露新劇《社內相親》已煞科,而他主演的電影《釀魂》反應不俗,令他十分開心;他表示下月初將推出新歌,昨晚要為新歌拍MV,預計連續拍攝最少30小時。拍照期間,Anson Lo突被蒼蠅糾纏,同時又打了三個噴嚏,令他尷尬傻笑。問他是否太sweet所以吸引蒼蠅?他笑笑口說︰「入行以嚟第一次遇到呢兩件尷尬嘅事,可能本身性格太sweet,又咁啱攞住蜂蜜飲品,所以受到烏蠅注意。」他自爆有鼻敏感,環境翳焗會打噴嚏︰「我打乞嗤無聲㗎,忍到唔噴出嚟,仲可以谷番入去,真係神乎其技。」
Anson Lo分享靚仔相,相中牆身及電掣明顯由直線變曲線。(IG圖片)<
近日Anson Lo在IG分享西裝靚仔相,但被網民發現背景牆身及電掣變彎曲,質疑他P圖過度,更封他為「P圖教主」。他昨日解釋指自己不會P圖,相片一律交由公司團隊處理;至於網民所指的相片,則是由經理人花姐傳給他,他說︰「我以為係官方圖,就send咗出去,但改唔番,令大家覺得奇怪,我會同花姐傾下。」
Anson Lo開心主演的電影《釀魂》入圍第21屆拉文納夢魘電影節。
撑姜濤呂爵安兄弟情深
此外,對於隊友姜濤與呂爵安的粉絲疑不和,Anson Lo表示有留意,但不會勸交:「佢哋五年兄弟情,私下好熟,大家唔使擔心佢哋友誼會受傷害,都大個仔。」有傳鏡仔將往澳洲拍攝綜藝節目,他說:「有聽過公司話去澳洲,好期待12個人一齊拍嘢。(出埠拍攝加深隊友之間了解?)絕對係,關係會更穩固。」另外,電影《釀魂》入圍第21屆拉文納夢魘電影節,競逐「最佳外語片」、「金環獎」及「影評人獎」,Anson Lo非常開心,但對獲獎信心不大,「我係電影初哥,唔會話有信心,最開心係連唔太鍾意我嘅人,都有留言讚我演得好。」
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票