2022-05-12
獲女神登上紅館送榴槤 張敬軒勁冧林明禎:暈晒浪
【晴報專訊】張敬軒(軒仔)今年一月舉行的紅館騷,因新冠肺炎第五波疫情肆虐而無奈煞停。個唱補場前晚重啟,軒仔找來馬來西亞女神林明禎擔任嘉賓,讓她在紅館舞台初試啼聲,對方落台時更向軒仔示愛︰「我會想你!」事後軒仔笑言被女神電暈:「台上台下都暈晒浪。」
相隔四個月再踏紅館舞台,軒仔百感交集。
《張敬軒THE NEXT 20演唱會》前晚重新開鑼,因社交距離措施限制,紅館只能坐五成觀眾,大會特別將原本八場補場增至16場。軒仔承諾每晚會當作尾場般演出,落力獻唱。去年曾為軒仔的YouTube節目《軒公敲碗》任嘉賓的林明禎,前晚再為軒仔個唱任嘉賓,以跌膊晚裝上陣的明禎靚絕全場,以甜美笑容秒殺台下觀眾。
明禎擔心軒仔營養不良
軒仔收到大馬名物榴槤,見慣大場面的他亦難以招架。
初登紅館舞台的明禎以廣東話向軒仔稱︰「我真係好緊張,我何德何能可以嚟到呢度同你合唱?我今日(前晚)第一次嚟紅館,又係第一次着呢種裙…」軒仔即回應︰「我何德何能請到新一代女神同我合唱就真!你靚到好似美人魚咁呀!」明禎大賣口乖︰「我係最幸福嘅女子,等咗呢個機會好耐。」她更玩謝「早餐界KOL」軒仔,笑言在IG經常見到軒仔吃白麵包,擔心對方營養不良,特地帶來大馬特產貓山王榴槤送給軒仔:「你早餐可以食麵包加榴槤,咁先夠營養。」軒仔反問︰「平時我買嘅係已經打開咗嘅榴槤,你咁樣畀我,我唔知點開。」女神馬上施冧功︰「我可以幫你開呀,你可call我或者text我!」笑爆全場。
林明禎在台上瘋狂告白,又在後台向軒仔的照片送吻,果然識撈。(IG圖片)
歌迷「送鐘」百無禁忌
粉絲高舉紙紮鐘燈牌,獲軒仔承諾送兩張尾場門票作回禮。
明禎又自薦說︰「我唱歌唔係好叻,希望可以拍你個MV。」二人其後合唱國語歌《只是太愛你》,明禎表現不俗,軒仔又乘機與女神拖手、攬攬,享盡溫柔。明禎落台前更嗲爆當眾示愛︰「我會想你呀!」難怪騷後軒仔在IG大讚:「謝謝明禎,台上台下都暈晒浪。」另外,前晚台下有歌迷「送鐘」,高舉一個閃令令的紙紮鐘牌送給軒仔,令偶像哭笑不得。軒仔說:「你送個鐘畀我?紙紮鐘?你真係好嘢!」他承諾送兩張尾場山頂位門票給該位歌迷作回禮,又搞笑說:「佢個牌,(工作人員)幫我化咗佢得㗎啦…真係大吉利市,呢啲紙紮禮物一年收一次夠啦,百無禁忌!」另一方面,網上流傳個唱補場的嘉賓名單,包括姜濤、吳林峰等,英皇娛樂演唱會部總監馮貽柏表示,流傳的嘉賓名單存在很多幻想及虛構,他指每晚嘉賓當晚才會公布,為觀眾帶來驚喜。
陳柏宇前晚亦為軒仔任嘉賓,大唱《斷點》一曲。
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇