2021-05-17
胡楓再破紀錄 89歲紅館開個唱
【晴報專訊】胡楓(修哥)18年以86歲高齡在紅館創下最高齡開騷紀錄,今年修哥再刷新自身紀錄,以89歲之齡,將於6月19日在紅館舉行演唱會。一向喜歡在舞台上表演歌舞的他,對於今次再開騷是否載歌載舞仍未決定,但強調演唱會的宗旨是帶給大家歡樂,娛人娛己。
胡楓穿上桃紅色西裝宣傳演唱會,和喜歡載歌載舞的形象十分相襯。
修哥昨日穿上一身桃紅色西裝出席《胡楓約你開心派對2021》記者招待會,精神相當不俗,多位藝人包括譚詠麟、林子祥、契仔黎明、陳奕迅、容祖兒等均拍片為修哥打氣。問修哥邀請了哪些嘉賓?他表示︰「暫未確定,由主辦單位去安排,但係我相信最緊要帶畀大家開心,娛人娛己。(你係舞王,今次又會跳幾多part舞?)30年前我就係,依家我嘅心境好後生,不過年紀就大咗啲。」
契仔黎明拍片為胡楓打氣。
演唱會翌日正好是父親節,修哥表示這是主辦單位的心思,同時希望在演唱會上宣揚孝道,他說︰「個個成日都話母愛偉大,其實爸爸出面做嘢受咗氣,放工返屋企都好辛苦。」不過修哥表示幾個仔女不會上台,但身在加拿大及英國的孫兒會預先拍攝片段在演唱會上播放,反而香港的兩個孫女及曾孫都會上台跟他一起唱歌。
盼四小生再重聚
問修哥會否希望「四個小生(謝賢、Joe Junior及曾江)」再合體?他笑言︰「當然希望啦,不過都係要主辦單位決定,(你會唔會邀請佢哋嚟睇show?)我都希望可以請到佢哋嚟,好似謝老四(謝賢),同佢都60幾年朋友,真係好難得。」
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票