網民質疑演技未夠班 視后蔡思貝：好多監製睇到我進步

　　【晴報專訊】13年港姐亞軍蔡思貝憑《踩過界II》「癲姐」一角，前晚在台慶頒獎禮擊敗黃智雯、龔嘉欣等勁敵首奪視后，但賽果惹來很多網民質疑。賽後思貝受訪，自信稱「無諗過要幾多年先攞視后」，又指獲不少監製祝賀：「好多監製話我同以前完全係兩個人，睇到我進步咗好多，好開心！」

 

 

　　入行七年的蔡思貝，17年憑「癲姐」拿下「最受歡迎電視女角色」後，前晚再憑同一角色，勇奪「最佳女主角」，鬥贏賽前大熱的黃智雯、龔嘉欣及高海寧等，短短七年由港姐升呢做視后，令人始料不及。完騷後，問思貝會否覺得獎項來得太快，她說：「我從來都無諗過要幾多年先攞視后，呢個不嬲係目標之一。攞完獎有好多用過我嘅監製走嚟恭喜我，佢哋話我同以前完全係兩個人，睇到我成長咗好多，好開心。因為咁多年以來我都好努力，希望自己做得更好，無論做人、處事、工作各方面，我都想力求進步。」

 

相約胡鴻鈞慶祝

 

蔡思貝將哨牙「癲姐」一角，視為演藝生涯上的重要角色 。

 

　　思貝坦言選港姐後甫入行，已知演藝路不易行︰「我唔想信口開河，想用行動證明畀大家睇我努力進步，我好開心、榮幸得獎，好多台前幕後工作人員同朋友，都感受到我嘅經歷！」問到慶祝計劃，她指在限聚令下，只能在家慶祝：「台上無乜時間，攞獎之後都同爹哋媽咪淡淡講咗句『多謝』，佢哋咁多年來好支持我呢個女。」

 

蔡思貝獲悉得獎時開心得擘大口，好友何雁詩送上愛的抱抱。

 

　　至於緋聞男友胡鴻鈞，思貝笑說：「我攞獎後無撞到佢，不過佢之前都同我講句加油，佢係朋友嚟嘛，都會一齊慶祝！」對於思貝升呢做視后，網民議論紛紛，有花生友狠批思貝演技未及《殺手》龔嘉欣；但有觀眾指她用三年時間駕馭「癲姐」，今年封后實至名歸。

 

大約十位粉絲前晚在嚴寒下，於電視城外守候蔡思貝，送上蛋糕及香檳慶祝。

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情