風水師自稱為賭王「種生基」 何超蓮斥博宣傳：好唔尊重人

　　【晴報專訊】97歲的賭王何鴻燊早前盛傳病危留醫，連日來四房眾人輪流探望，齊聲表示賭王身體狀況良好。不過有周刊指賭王家人近日找風水師為賭王點續命燈，該風水師自稱十年前曾為賭王「種生基」，昨日三房千金何超蓮出席活動時，否認爸爸續命傳聞，更直斥有人自我宣傳，毫不尊重賭王。

 

　　賭王目前仍在養和醫院留醫，風水師俞志麟早前向周刊聲稱近期接到賭王家人要求，以500萬元酬勞為賭王點燈續命，但他以剛為余德丞點燈，半年內不能再點為由，拒絕為賭王點燈，他又自稱曾為賭王「種生基」。

 

超蓮的慈善機構SmilewithusHK特別與Hello Kitty合作，在街頭派發情人節糖果。

 

　　何超蓮昨日為自己創立的慈善機構，在銅鑼灣向途人派發情人節朱古力，她提到以上傳聞時嚴肅說：「我覺得非常唔尊重，第一，種生基係假；第二，續命燈都係假，做師傅都要有職業操守，如果有客人畀錢搵佢（風水師）做法事，佢應該要保密，更何況根本無搵！佢咁樣宣傳自己，好唔尊重人，爹哋咁大年紀好棹忌，新年流流傳病危已經好唔老黎，講種生基更加係唔尊重，好唔開心。」

 

超蓮強調賭王目前身體情況良好，否認爸爸在深切治療部留醫。

 

　　問一家人可有為賭王祈福？超蓮說：「爹哋身體狀況真係ok，一直都穩定，媽咪平時會去拜神，但無特別去求神庇佑，亦唔太相信呢啲嘢。」至於賭王何時出院，超蓮表示：「冬天唔好走嚟走去，出面多菌，又驚佢凍親，通常做完身體檢查，留喺醫院休養會乾淨啲。」

 

自爆同李小龍有親

 

　　另外，超蓮被委任為廣東佛山市政協委員，日前到佛山開會，她希望做政協後，可增加香港年輕人在內地就業機會。她又說：「我發現李小龍都係來自佛山，佢係我表叔，係我爹哋嘅表弟。（你好打得？）所以唔好恰我！」

 

轉載自: 晴報

• 

樂本健【秋日開倉26 - 27/9】保健品低至$20！► 火速行動