【零味精料理】自家製爽口彈牙貢丸

 

　　平日在家吃麵多數都會到凍肉店買豬肉丸、牛丸、貢丸等來拌麵吃。我最愛吃貢丸，喜歡它夠爽口及有些肉質有些似牛筋丸那種粗糙感。但可惜大部分市面買到的肉丸，大部分都有加入防腐劑、豬肉香精、磷酸鹽及味精等等。磷酸鹽的味道太濃，未煮都覺得那味道很難聞，吃得多都恐怕會有至癌物，少吃為妙。除非大家到麵檔買貴2-3倍自家製作，每日新鮮做的肉丸，就有保證無添加劑。

 

　　其實，如果大家喜歡煮野食，唔怕麻煩，可以試下親手製作貢丸，頭一次唔好做太多，因為怕未掌握到攪打技巧，做多兩次，一定無難度。做好的貢丸用密實袋裝好放冰格急凍，用來煮麵或做貢丸紫菜湯等等都十分方便。

 

　　大家不妨跟韋太的方法去試下啦！

 

份量：約25-30粒 （視乎大小）

烹煮時間：30分鐘

 

材料：

 

 

　　豬胛肉 （半肥瘦）     600 克   

 

調味料：

　　幼鹽    1茶匙

　　砂糖    1/2 茶匙

　　胡椒粉  1/2 茶匙

　　蛋白    1個 

 

做法：

 

　　1. 豬肉絞碎，放入保鮮袋內，平均壓平薄薄一層，放入冰格冷藏1-2小時至冰硬狀態。

 

 

　　2. 將豬肉取出，剪成一塊塊，放入攪拌器內，先加入鹽攪慢速攪打一下，再改用高速打3分鐘，然後加入蛋白攪打繼續攪打約5-10分鐘呈膠黏的狀態。

 

 

　　3. 攪打完畢，加入餘下的調味料拌勻。如果肉質已不冰冷，請先放入雪櫃冷凍一會。

 

 

　　4. 燒熱一鍋熱水，水溫大約80度及不要滾起。將肉漿取出，用手的虎口位唧出肉丸，用鐵匙先浸清水，然後將肉丸撥起，放入鍋內煮慢火煮至肉丸浮起。

 

 

　　5. 煮熟的肉丸可以立即放入清水或冰水降溫，口感會更好。

 

 

小貼士：

 

　　天氣熱時要先摸摸肉膠，如果不夠冰冷，就得整盆放回雪櫃冷凍至半硬才能拿出來繼續打，打到紅色顆粒不多即可，不必打到完全沒有，以免打過頭。

 

　　今次我自己攪肉，攪得唔夠爛，所以表面較粗糙。豬前胛肉較霖滑，半肥瘦最好。如不喜歡肥肉，可以唔用。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好