2015-09-18Text: Elize ChanPhoto: Dennis、海洋公園
哈囉喂猛鬼來襲 驚嚇指數爆錶嚇破膽
海洋公園哈囉喂全日祭十五周年,今年打造歷年最大型的萬聖節鬼屋活動,8間鬼屋10種體驗,「鬼咁得人驚,夠膽就嚟挑戰」,小編捨命卒先帶你「被鬼嚇」!
「孤伶伶」上路「頭七」驚魂十分鐘
極級恐怖的鬼屋「H15」大玩中國傳統禁忌「頭七」,參加者要自己一個人「孤伶伶」上路,全程躺在冷冰冰的靈床上,「停屍間」的冷氣足以令人「毛骨悚然」!「仵作」在「你」腳腕縛上死者名牌,就會向著掛有「你」自己「車頭相」的喪禮出發……
「仵作」推著靈床,帶領「你」走入掛滿白色輕紗的靈堂,背後盡是親友們「悽厲」的哭泣聲,隨後會有「師傅」為你頌經「破地獄」,不斷對你念咒「極度驚嚇」!
驚魂未定又將「你」帶到一個婆婆面前,她一邊「撒溪錢」一邊大叫「收嘢啦!收嘢啦!」,驚嚇指數「爆哂錶」!
之後 「你」將會被鬼神推入火爐,經歷火燒的「熱燙」。
當「你」以為已經到終點……錯!你只是剛離開人間,接著走的都是「神秘」的地獄之路,小編走到這裏就行不下去了,因為經已嚇破膽!臨走時,小編去咗搵孟婆飲「孟婆湯」,希望可以忘記剛才喺鬼屋發生嘅事啦!
如果「你」喺地府真係好驚,個心已經負荷不到,可以好好向「仵作」求饒,講出暗號,或許他都會答應在你的額頭上貼符,等鬼怪見到你時放你一馬……
早前已經進行了三輪的網上「搶死籌」都火速爆滿額,園方特別在本月加推2場預約名額,分別在明日(18日)下午4時30分,及本月25日中午12時開始接受登記,想體驗「終極驚嚇」的話,就要把握最後機會,時辰一到,鬼門就會關閉……
驚嚇程度:★★★★★ 爆燈!
嚇破膽位:靈堂、入火爐、撒溪錢
H15
時間:上午11時至晚上11時
地點:高峰樂園動感天地
【etnet 30周年】多重慶祝活動一浪接一浪,好禮連環賞! ► 即睇詳情