2020-12-22Text: Ariel ChanPhoto: 由DON DON DONKI 提供

【美食祭典】DONKI「屋台」市集進駐山頂！日式炸雞、芝士球、銅鑼燒，勁掃25個小食攤檔

#Donki #山頂 #日本 #祭典 #屋台 #2020xmas #2020xmasdining #日式小食 #獨家 #八達通 #2020xmasentertain

　　日本一向都是不少港人的「家鄉」，照現時的情況，可以去日本旅行的日子遙遙無期，如果想念日本想到快要發瘋，不如去DONKI！別噓我！我說的是山頂的DONKI！話說DONKI趕上了2020年的尾班車，在山頂開了「情熱笑店」，全新的店舖模式，以日本屋台文化作招徠，集合逾20個別具日式風味的熟食攤檔，售賣120款日本小食，而且分店的菜單還會按顧客的投票，定期作出更新，在香港都可以感受到日本節慶氣氛，為各位一解「鄉愁」！

　　「情熱笑店」佔地超過2,000呎，裝潢採用日本緣日文化祭典風格，只要一去到門口，就立即感受到滿滿的祭典氛圍！一入到去，大家就會見到一整列的熟食攤檔，不少攤檔都掛上又大又紅的日式燈籠，有些就配上各種顏色的暖簾，在入面影相打卡，說是去一趟日本都不過份！分店集合25個日本美食攤位，總共有120種人氣招牌的日本料理，由日式炸物、串燒、關東煮、甜品都有，非常豐富！大家日後到山頂行山時又多一個補給點，可以到DONKI「覓食」！

　　今次DONKI搞搞新意思，一改以往的風格，邀請DONKI的粉絲投票選出自己喜歡的食品，所以在120款美食之中就會有由大家選出的人氣款式和「情熱笑店」獨有的限定美食！最近一次的結果是……

　　大家最愛的美食就有這8位（排名不分先後）：唐揚炸雞、章魚燒、壽司、烤和牛串、烤雞肉串、可樂餅、三文魚子飯團和關東煮。

「情熱笑店山頂廣場」的精選美食

　　講咗咁耐，在林林總總的選擇之中，究竟今次有甚麼必試呢？編輯為大家整理出8款山頂店獨家美食！

1. 唐揚炸雞

　　第一款就是不論在日式定食或是日式拉麵都見到它的——唐揚炸雞！炸雞的外皮甘香脆，裏面的雞肉juicy得來又鮮嫩，難怪它同時入選最愛美食的頭8位！唐揚炸雞還有多款口味可以選擇，包括有咖喱、芝士、紫菜鹽、章魚燒、黑胡椒、芥末和粟米湯味，款款都好正！

唐揚炸雞 (咖喱/ 芝士/ 紫菜鹽/ 章魚燒/ 黑胡椒/ 芥末/ 粟米湯味)$48

2. 三得利頂級啤酒

　　在日本屋台除了要食串燒、炸物之外，當然要啤一啤啦！今次DONKI正好有日本著名的三得利頂吸啤酒賣，配上剛剛提到的唐揚炸雞就fit晒！

三得利頂級啤酒 $48

3. 鹿兒島牛肉芝士球

　　各位芝士迷一定要試試這個芝士球，外皮炸得非常鬆脆，內裏的牛肉和芝士軟腍腍，口感豐富，惹味的芝士配上濃郁的牛肉香，一口一個，滋味！

鹿兒島牛肉芝士球 $48

4. 鹿兒島和牛飯團

　　每次去日本旅行，編輯都一定會買飯團吃！鹿兒島是日本國內最大和牛產地，肉香脂香兼備，今次DONKI山頂店便用鹿兒島和牛製作飯團，香噴噴牛脂香滿瀉，作為light lunch最啱！

鹿兒島和牛飯團 $48

5. 鰻魚串

　　說到祭典，又怎少得串燒，其中一定要試的是日本料理之中不可或缺的鰻魚！鰻魚肥美厚身、口感軟熟，燒得微脆，澆上香甜燒汁，正！

鰻魚串 $49

6. 美式炸熱狗

　　喜歡到日本便利店掃美食的你對這個炸熱狗一定不會陌生，現在不用飛到日本都可以吃到。即點即炸，外皮香脆，但$50一個好像有點貴……

美式炸熱狗 $50/一條

7. 朱古力香蕉

　　吃完鹹食，當然要吃甜品中和一下！若然你是朱古力迷，這款甜品不能錯過，就是日本祭典必食小食之一的朱古力香蕉！整條香蕉都被甜甜的朱古力脆皮包裹住，上面還有色彩繽紛的朱古力彩針，先打卡，吃完之後成個人開心晒！

朱古力香蕉 $20/一條

8. 北海道忌廉銅鑼燒

　　另一款要介紹的甜品是日本傳統小食銅鑼燒，不過這個銅鑼燒的內餡不是紅豆，而是夾住分量十足的忌廉，整個感覺就好像早前曾經大受歡迎的忌廉麵包一樣，包你每咬一口都會吃到豐厚的忌廉，入口非常幼滑，好邪惡啊！

北海道忌廉銅鑼燒 $48

特別版八達通卡/套裝

　　還有另一個個好消息！今次各個攤位都設有八達通付款機，大家可以即買即付款，不用大排長龍，可以把握時間掃街！除了以上各款美食值得留意之外，DONKI為了慶祝新店開張，推出兩款特別版的八達通卡，卡上除了有DONKI的吉祥物DONPEN之外，還有加入了祭典節慶元素，如果是套裝更有DONPEN公仔，各位忠實粉絲不要錯過！