【週末掃街攻略！】旺角「黑白布街」美食集中地

　　旺角被譽為美食天堂，而鄰近旺角東鐵站的黑、白布街，近年更逐漸打造成新的美食角落，不少高質餐廳進駐，例如HeSheEat、安東奶奶雞、拉麵來等捧場客都十分之多，最近陸續有不少人氣店誕生，即睇小編帶大家週末遊黑、白布街，試盡各款美食！

爆炸海膽丸！令人食上癮的小店Opium

　　主打外賣小食的Opium Snack Bar其實半年前經已在西環開業，最近更選址旺角開分店！新店更加入兩款全新小食及新 burger，當中的口爆海膽波、芝士蟹肉蟹蓋以及蟹餅菠蘿包，成功俘虜一眾粉絲！

芝士蟹肉蟹蓋配溫泉蛋 (HK$46)

　　金黃色的蟹蓋表面「漲卜卜」釀滿蟹肉，旁邊還加了一隻溫泉蛋，賣相十分吸引！店員介紹指餡料除了用上鮮甜的松葉蟹，還有厚肉的加拿大蟹，加上Mozzarella芝士，足料啖啖蟹肉鮮甜而且充滿彈性啊！

　　然後再將蛋以及蟹肉輕輕攪拌一下再吃，又會呈現另一種味道體驗，蟹肉配上濃厚的溫泉蛋香，令蟹味更出眾，而且整體亦比較濕潤，「熱氣」感覺一掃而空！不過若果可以再多點芝士，品味蟹肉的同時有絲絲芝士，必定更邪惡又難忘！

口爆海膽波 (HK$46/粒)

　　單聽名稱巳經充滿霸氣！海膽在口中爆發的種感覺絕對是不得了！海膽波的體積而不能少看，有一個乒乓波差不多的大小！海膽波表面同樣是炸得金黃色的，油份不算多，吃起來亦算乾身！

　　厚厚的蝦膠中間放了不少北海道白海膽，色澤呈鮮明橙黃色，蝦膠外脆彈牙，內裡的海膽呈半溶，鮮味四溢，店員亦提醒要襯海膽半熟時間，盡快食用才品嚐到其鮮味！

自家制蟹餅菠蘿包漢堡(HK$69)

　　香港經典美食之一的菠蘿包，亦來一場大改造，化身漢堡包，味道又如何？

自家制吉列炸蟹餅份量十足，厚度接近3cm，外皮鬆脆而且啖啖蟹肉！

　　弄破蛋黃後，蛋漿流到蟹餅以及菠蘿包，效果出乎意料之外地好味，絕對是精心安排下的完美配合！其他配料還有生菜及蕃茄，不是一個人可以消滅的份量，跟朋友開心share就剛剛好！若果可以考慮再加添一些減膩的材料，定必是不錯的點綴！

Opium Snack Bar

地址：旺角白布街24號藝興大廈地下A3號舖

營業時間：星期日至四 1pm-11pm；星期五及六 1pm-12mn

下頁介紹　文青必到的歐陸咖啡室

《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好