2024-02-21Photo: 由作者提供
尖沙咀歎日廚主理壽喜燒！食靚和牛、日本蠔！嫩滑京都姬牛VS橄欖牛有咩分別？必食武士生蠔海鮮杯/ 濃味橄欖牛捲鵝肝/ 出色黑芝麻布丁
原來香川橄欖牛是要包捲鵝肝才享用，和牛本身都香濃又滑滑，鵝肝亦優質兼厚切又不含根，加上牛肉與鵝肝的搭配本身就是一回culinary classic，所以味道根本是冇得輸，好出色。
到最後，我都分不出究竟是京都姬牛好一點，或是香川橄欖牛勝一籌，說到底不同食法是不能直線比拼。
香川橄欖牛，要加上預先煮好的鵝肝，食慾立即強烈提升。
以香川橄欖牛包捲鵝肝，再輕輕切一刀，鵝肝油與和牛汁一齊同時達高潮噴射出來。
牛肉跟鵝肝跟本就是classic組合，完全冇得輸。
剛才吃了一碗美味的白飯，想不到壓軸的是另一碗飯，本來我想放棄，但同枱朋友說：「呢碗飯你一定要食，而且一定可以食得晒 —— 係幾飽都食得晒。」
這碗叫做生蠔佃煮蓋飯，同樣是以上述提及的日本北海道的夢美人米和古代米，再以佃煮方法主理，加入醬油、味醂等材料，另加上雞蛋液，直至收汁至濃厚而黏稠，再伴以壽喜燒汁略煮的日本生蠔，好食到難以返轉頭。
在鍋內加入雞蛋液，還有煮過牛肉的壽喜燒醬汁，構成此飯的主調。
收好汁後，蓋於白飯之上，動作要優雅又要靚。
加入兩隻在壽喜燒汁略煮的日本生蠔，幾近完成。
再加上一抹蛋白泡沫，生蠔佃煮蓋飯便是perfect。
最後的甜品，套餐是時令水果之餡蜜，味道是不錯，又不至於好有突破。不過原來此店有一個招牌甜品，是黑芝麻布丁，是非非非常出色，不能錯過。
時令水果之餡蜜，水果鮮，下方的雪糕也很清爽。
是黑芝麻布丁，明明是貌不驚人，但日本料理的甜品一向都不是外貌協會成員。
甫入口，黑芝麻在口腔內強勁爆發，好好食。
壽喜燒 伊勢熊
地址：尖沙咀棉登徑8號凱譽地下13號
電話： 2109-1155
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票
