由新聞男主播方東昇主持的旅遊節目《世界零距離II》，不單贏口碑，而且收視亦有不錯的成績，「昇爺」的幽默作風，令節目的最高收視達25點（約161萬多觀眾收看），拍得上黃金時段的劇集。節目中的「昇爺」不時大講「爛Gag」，更爆出不少搞笑金句如「企鵝蛋有企鵝蛋味」、「You Jump，I Jump，一往情深」和「工欲善其事，不要發脾氣」等，被一眾網民紛紛截圖瘋傳，成為新一代「冷面笑匠」。

 

「昇爺」爆笑金句語錄：

 

1. 有人話企鵝有3歲小朋友智商，所以以後話「呢Ｄ野3歲細佬都識」，可改為「呢Ｄ野企鵝都識」

 

 

2. 蛋有蛋味，企鵝蛋有企鵝蛋味

 

 

3. 企鵝成日企，同佢改個名叫 Please be seated，請佢坐下

 

 

4. 或者佢地比我地更適合做颱風戶外直播

 

 

5. 如果你問我呢條係咩路？真係唔係路

 

 

6. 工欲善其事，唔好發脾氣

 

 

7. 在跌低的地方爬返起身，從來都不容易

 

 

8. 海龜外殼色澤鮮艷為之靚龜，今次我就抱得美人龜喇

 

 

9. 一蚊一隻雞，一蚊一隻龜，咁究竟雞貴定龜貴？

 

 

10. 幫海龜改名「龜宿」，希望佢搵個好歸宿

 

 

11. 郵差叔叔送信純熟迅速送出

 

 

12. 成個老襯，士氣大振

 

 

13. YOU JUMP I JUMP 一往情深

 

 

14. 浪花一朵朵，誓言講咩都聽唔清楚

 

 

15. 當身邊一切如風，感覺像香港的寒冬

 

 

16. 睇火箭發射同睇波一樣，現場睇最有氣氛

 

 

17. （著太空人制服見航天中心總監）總監：你是太空人有任務？　方：對，上月球

 

 

18. 唔駛驚，Lauar（火箭發射控制中心話事人）係大廳

 

 

19. 呢度嘅假牙，假得好真

 

 

20. 有銀紙都未必買到廁紙

 

 

21. 無論動物世界與金融市場的大鱷作風都係快、狠、準。所以對付大鱷的不二法門就係更快、更狠、更準

 

 

22. 人怕素顏，樓怕爛尾

 

23. 睇見學員行差踏錯，老師都冇輕輕放過

 

24. 「風光如畫，治安奇差」，我哋嘅心情又點？同樣係八個字「又期待，又怕受傷害」

 

25. 五行欠「水」，開世界零距離公司只差一步

 

網民激讚方東昇專業又搞笑

 

　　昇爺的爛Gag衝擊其多年主播形象，一向形象「老正」又嚴肅，今次他竟然昇爺變星爺，撰稿上盡情發揮無厘頭本色，「神級」幽默感，獲全城觀眾在fb洗版狂推。事實上，不少網民封他是新一代冷面笑匠，有望在台慶頒獎禮贏得最受歡迎節目主持；另一方面，有傳統觀眾卻認為主播忽然變旅遊節目主持睇唔慣。

 

　　網友林清清認為「昇爺」的金句意味深長，好笑之餘又值得深思。網友Joyce Lam 最印象深刻是「成個老襯，從此士氣大振」，大呼「昇爺的急才真係好勁！」網友Kenji Lam 認為是「最好看的旅遊節目」。

 

　　網友陳冰人指節目令人驚喜，見慣幾位做新聞嘅嚴肅專業形像，每段對白與每個場景，都感覺有用心去安排。網友Daisy Man Ching LO 認為節目做得不錯，有另一番味道，風趣得來有內容，不低俗，是一種另類國家地理雜誌，「好好睇」。

 

　　但另一方面，網友Kwok Hung Yeung 就覺得「係咪無聊當有趣？如此低級趣味都可以視為笑點嗎？我真係笑唔出！」

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情