不少「大洗」的打工仔都會有個日文名叫「長期糧尾」，又名「月光族」，代表著沒有儲蓄，有人認為有機會導致有「啃老族」的出現或日後的退休生活令人擔憂。不過，最近「月光族」的相反名詞「月剩族」的興起，即使個個月有錢儲都受到批評，因為網友「絢爛舞踏」指出「月剩族」因為消費不足，長遠會帶來負面影響，並會影響社交生活。

　　近日，有關一名80後的「月剩族」報道甫出，便引來網友熱議。一般來說，「月剩族」是形容一班沒女友、支出低的高薪宅男。網友認為「月剩族」不應該受到抨擊，反指是藉「月剩族」去標籤宅男或80後，更懷疑這兩個群體是原罪，因而不論做甚麼，都會受到批評。

　　大部分的網友都認為「應洗則洗」和「節儉」都是美德，「Star」認為「而家乜都貴，唔儲錢點將來養老？」；「Winnie the bear」認為「即使儲錢為樂，其實並無不可，賺番黎嘅錢點樣去洗唔應該被落口實，有佢的自由」；「Mr.CEMENT」則認為「應洗則洗是好事」，諷刺道：「唔通要學廣告還卡數Min Pay再Shopping?」。

　　「高級看更」認為「月光族就會被批零儲蓄，年老可能要社會埋單；月剩族因低支出而影響社會經濟流動」，認為兩者都是被人抨擊，共通點都是年青人，有網友形容這套論述是「龍門任你擺，飄移境界」。

　　「門董貳」隨即列出80後原罪，包括「駛錢=浪費、存錢=對經濟有害、拍拖=負擔、單身=社會問題、保守=唔進取，無承擔、投資=搏命，一步登天 、做生意=唔肯受氣、打工=唔上進，唔肯挨、做地盤=污衊，貪錢、打OFFICE工=唔肯挨，貪舒服、上大陸=香港搵唔到食、唔上大陸=唔敢走出去，唔肯放眼世界」

　　「西九明將阿欣」則認為「宅是原罪」，不過「Eric」則認為「你理得人拍唔拍拖，毒男剩女咩，唔影響到人便可以，各有各嘅生活方式，唔好成日將自己個套搬去人哋度」；「Cider」則認為「咁都要鬧，只要佢哋生活得開心便可以，香港呢個社會玩夠標籤未？」

　　相關文章：晴報：80後裝修工 賺1.5萬儲1萬 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票