去「鼎爺廚房」，甫見鼎爺再次跟他說︰「撐你！」事緣前陣子他剛開業未夠一星期，遭到風言風語批評，鼎爺不介懷，甚有大將之風，反輕鬆說是很好的免費宣傳，訂枱更踴躍，未來三個月都已爆滿。

　　當晚全場爆滿，鼎爺邊打點廚房，邊應付粉絲集郵，仍氣定神閒，帶我參觀廚房。原來店中有兩個廚房，一大一小，細廚房僅容一人，專供鼎爺個人表演，讓大家在席間可透過廚房的玻璃窗近距離睇鼎爺煮餸，很有現場感，大家亦可安坐座位上看室內電視直播，邊歎佳餚，邊睇騷，雙重娛樂；另有設備齊全的大廚房，本是客人禁地，鼎爺特地帶我參觀，廚房內員工全穿上整齊制服。鼎爺表演時間，不少朋友都湧到玻璃窗前直擊，情景像在海洋公園睇珍貴大熊貓，當鼎爺稍稍回頭望向玻璃窗，一班女粉絲即時尖叫歡呼，猶如追捧韓星，場面搞笑。鼎爺魅力沒法擋。

轉載自: 晴報

【etnet 30周年】多重慶祝活動一浪接一浪，好禮連環賞！ ► 即睇詳情