《笑傲缸湖》花旗國１月６日發生「佔領國會」之後，雖然侵侵重申無叫人衝國會，唔關佢
事，但仍然幾乎被所有主流社交平台封殺。與此同時，反烏托邦小說《１９８４》再次登上亞馬
遜圖書榜第一名。你一定會問究竟兩者有咩關係呢？等盈盈話你知啦。
　　《１９８４》係英國作家奧威爾於１９４９年的作品，故事講述所有人都被監視，所有人被
「思想警察」控制，相互告密揭發嘅恐怖社會。睇返今時今日社會，社交媒體同樣喺無聲無息下
收集我們每一個舉動，例如網購買咗咩，喺Ｆａｃｅｂｏｏｋ出咗咩Ｐｏｓｔ，又或者上過咩網
，監控完甚至可以利用大數據預測我們下一個選擇，呢啲都成為同《１９８４》提出監控社會不
謀而合。
　　侵侵細仔（Ｄｏｎａｌｄ　Ｔｒｕｍｐ　Ｊｒ﹒）就將推特封殺佢爸爸賬號同《１９８４》
相比，話覺得佢嘅的言論受到限制，直斥：「花旗國喪失言論自由，自由已經被大科技公司扼殺
，只剩少數人。」
　　《１９８４》今日回落暢銷排行榜顯示榜第二名。其實呢本書已經係７０年前嘅作品，盈盈
到依家睇返都覺得唔過時，又要引用阿寶句金句：「人類總要重複同樣的錯誤。」《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健及經濟通etnet合辦【免費體驗工作坊】 中醫穴位 x 新一代科研: 逆轉聽力損失 (截止報名23/10/24)► 了解詳情