05/09/2024 17:30
《小傳日記》魚缸悶局誰來救?絕招竟然係回購!
《小傳日記》魚缸上星期五就好似發咗一場夢,乜嘢1700億成交呀,18000點呀都
好似deja vu咁隨風消逝,結果一到9月就打回原形,每日唔過千億,一係打和一係跌,
港股始終係港股。大家都無心戀戰,連大紅籌都要分多份中期息出嚟「息誘」缸友,當然都唔少
得回購,而今年大牛皮,回購量更加創出新高度。
有內媒就為魚缸計一計數,原來年初截至9月3號,總共有225隻股份做過回購,比上年
多同期多咗89間,合計使超過1806億銀,比上年同期多咗足足1﹒75倍!無論係做過回
購嘅公司數目,同堆總回購額都創同期歷史新高。
截至同期,回購最多嘅竟然唔係大笨象滙控(00005),而係QQ(00700),喺
八個月多啲嘅時間入面總共使咗743﹒87億銀回購,比起第二位滙控嘅288﹒46億銀多
出1﹒5倍!可能係因為派息唔多,QQ就喺回購方面鬆手得多。至於第三至第五分別係美團
(03690)、AIA(01299)同小米(01810),累計回購分別係229﹒26
億、227﹒29億同36﹒77億。而單計QQ、滙控、美團同AIA呢四大回購王,就已經
佔咗總回購額嘅82%!
今年魚缸表現麻麻,雖然而家叫回穩咗,但唔好唔記得年初試過跌穿15000,上面呢四
大回購王當時都應該日日重錘回購,令到今年嘅回購額多咗咁多。魚缸而家咁嘅市,稍為穩陣少
少嘅投資者都唔敢亂入市,所以揀股都係睇著幾個關鍵字:「穩陣」、「高息」、「回購」,中
呢幾樣包無死。
雖然回購有利托價,但講真唔跌又使乜托價,有錢不如攞去搞好盤生意,用嚟回購對於公司
發展嚟講一定唔算係最好選擇。所以魚缸回購額創新高,著實係唔算太馨香,但有好過無咁囉,
畢竟都係支撐缸友留喺魚缸嘅一大動力,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文
只供參考之用,並不構成要約、招攬或邀請、誘使、任何不論種類或形式之申述或訂立任何建議
及推薦,讀者務請運用個人獨立思考能力自行作出投資決定,如因相關建議招致損失,概與《經
濟通》、編者及作者無關。
好似deja vu咁隨風消逝,結果一到9月就打回原形,每日唔過千億,一係打和一係跌,
港股始終係港股。大家都無心戀戰,連大紅籌都要分多份中期息出嚟「息誘」缸友,當然都唔少
得回購,而今年大牛皮,回購量更加創出新高度。
有內媒就為魚缸計一計數,原來年初截至9月3號,總共有225隻股份做過回購,比上年
多同期多咗89間,合計使超過1806億銀,比上年同期多咗足足1﹒75倍!無論係做過回
購嘅公司數目,同堆總回購額都創同期歷史新高。
截至同期,回購最多嘅竟然唔係大笨象滙控(00005),而係QQ(00700),喺
八個月多啲嘅時間入面總共使咗743﹒87億銀回購,比起第二位滙控嘅288﹒46億銀多
出1﹒5倍!可能係因為派息唔多,QQ就喺回購方面鬆手得多。至於第三至第五分別係美團
(03690)、AIA(01299)同小米(01810),累計回購分別係229﹒26
億、227﹒29億同36﹒77億。而單計QQ、滙控、美團同AIA呢四大回購王,就已經
佔咗總回購額嘅82%!
今年魚缸表現麻麻,雖然而家叫回穩咗,但唔好唔記得年初試過跌穿15000,上面呢四
大回購王當時都應該日日重錘回購,令到今年嘅回購額多咗咁多。魚缸而家咁嘅市,稍為穩陣少
少嘅投資者都唔敢亂入市,所以揀股都係睇著幾個關鍵字:「穩陣」、「高息」、「回購」,中
呢幾樣包無死。
雖然回購有利托價,但講真唔跌又使乜托價,有錢不如攞去搞好盤生意,用嚟回購對於公司
發展嚟講一定唔算係最好選擇。所以魚缸回購額創新高,著實係唔算太馨香,但有好過無咁囉,
畢竟都係支撐缸友留喺魚缸嘅一大動力,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文
只供參考之用,並不構成要約、招攬或邀請、誘使、任何不論種類或形式之申述或訂立任何建議
及推薦,讀者務請運用個人獨立思考能力自行作出投資決定,如因相關建議招致損失,概與《經
濟通》、編者及作者無關。
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇