《魚缸博客》如果早幾日有睇博客出文，跟手買隻優必選（０９８８０），今日你就發達啦
！唔係話博客Ｇｅｌ頭，有北水追嘅股份好少話炒唔起，更何況呢期ＡＩ、機械人概念炒得咁系
列，有理無理搵到錢先係真理。
　　上次都講過，優必選近期佳作就係汽車機械人－聽聞係蔚來到幫緊手造車；不過佢公司嘅
機械「Ｗａｌｋｅｒ」犀利之處，就係可以多場景運用，例如倉務、娛樂之類。博客第一時間想
到，即係如果呢類場景成熟，佢係好大機會可以進入民用階段，即係包辦屋企家務，不過都要睇
佢定價而決定，如果一萬幾千一個，中國市場都仲可以消費得起。
　　另外，公司都有做商務、養老扶助機械人，即係例如餐廳送餐、智能代步機械人，呢類係市
場有需求，即係公司本身已經有盈利產品。
　　不過，唯一注意就係公司盤數都仲係負緊，２２年全年虧損９﹒７億人仔，去年中期虧損緊
５億幾人仔，不過科技公司特色就係「蝕」，到真係有盈利個陣個股價你都追唔切。
　　Ａｎｙ肥，如果有聽博客講早幾日有入，建議將個本套現先，或者全部食胡先講，畢竟由
１００蚊炒到３００蚊，都已經肥過肥仔水，同時風險都好高，有胡要食先係真理！
　　
　
《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》【奧運劍擊熱】大師兄張小倫親身分享！贏在起跑線=壓力？如何培育子女有卓越成就？► 即睇