14/08/2019 11:31
《古臣周記-古臣》大象又搞回購,缸友到底有無著數?
《古臣周記》近排業績期,有唔少大公司出完報告之後都開始搞回購,就好似大笨象(00005)再度公布回購股份涉10億美金,而街坊渣打(02888)早喺4月底披露首季度業績後,順便公布10億美金回購計劃。上市公司回購,對缸友們嚟講喺咪一件好事呢?今日阿臣就嚟講吓回購。 回購即喺公司會拎手頭上嘅「茄殊」去買返自己發行咗嘅股票,而股票回購咗之後,一係將股票註銷,一係擺喺公司個庫房度唔郁佢,稱之為「庫藏股」。由於「庫藏股」仍然屬於發行在外嘅股票,故對每股盈利同股本回報率無即時嘅幫助。當公司需要資金嘅時候,公司可以賣庫藏股去周轉,或者用嚟發行可轉換債券同推行僱員福利計劃等等。
*公司回購對缸友有咩著數?*
假設一間公司今年賺咗1000蚊,發行嘅股本有100股,咁每股盈利就係10蚊。公司若想將賺到嘅錢攞去回饋股東,可以回購,亦可以直接派息。假設佢揀咗喺市埸回購50股兼註銷,咁發行股本就會減少至50股,故每股盈利就會變成1000蚊╱50股=20銀,變相缸友持緊貨嘅價值會變大。 喺公司立埸嚟睇,回購好似比較派息「抵玩」。回購除咗利好公司股價外,又唔使擔憂股息變動時(哪怕派息率不變),缸友唔歡喜而隨時掟走哂d貨。例如上年每手派息6000銀,今年派得4000銀,難免會有期望落差難接受。不過,公司回購都未必一定喺好,就好似大笨象搞咗咁多年回購,佢嘅股價都無咩起息,以下喺大笨象2016至2019年期間回購嘅記錄:
回購日期 回購規模 回購首日股價 回購期間股價累計 回購方式 (美金) 表現(%) 表現(%) ---------------------------------------- 2016年 8月4日至12月19日 25億 +3﹒5 +34﹒6 庫存
2017年 2月22日至4月12日 10億 -0﹒2 +0﹒5 註銷
2017年 8月1日至11月20日 20億 +0﹒6 -2﹒5 註銷
2018年 5月9日至8月16日 20億 +0﹒3 -5﹒9 註銷
2019年 8月6日起 10億 -1﹒1 註銷 ---------------------------------------- 註:大笨象每次都喺倫敦孖屐回購,上述表現按香江股價計算
只係睇個表,大笨象喺得2016年回購股票擺落庫存,而嗰輪回購股份首日以至整個回購期間股價有明確升幅,之後多輪回購對股價無咩特別大嘅提振作用。 咁佢點解仲要搞回購呢?公司回購嘅原因有好多,阿臣就估大笨象回購喺由於佢大部分嘅投資者兼主要股東都喺花旗國嘅國際大型機構投資者,如果大笨象唔回購走去增加派息,花旗國嘅基金佬喺扣除高達30巴仙嘅股息稅之後,幾乎賺唔到D咩,所以回購對佢哋嚟講著數好多!不過,對於唔使畀股息稅嘅香江小股東嚟講,回購提升股價作用又唔明顯,或會認為大笨象多派息仲好D。睇嚟大笨象搞回購都喺比較想留住大戶投資者多D。
*魚缸料仲要跌,吼定績優股*
講返古臣個倉。阿臣上個星期按兵不動,今個星期都維持觀望。中美貿易戰仍然不明朗,加上全球經濟增長唔多好,再加埋香江政治因素,阿臣估計魚缸要下試去年10月份創出嘅低位24540,淡友先肯收手。故此,阿臣暫時避下風頭,留定茄殊等機會,或到時撈買績優股,依家趁業績期做定功課先!
表列截至8月7日(11:15am止)阿臣投資組合表現: 股份 股數 平均買入價 現價 總值 ---------------------------------------- 港股: 金界 2000股 9﹒65元 10﹒84元 21680元 ---------------------------------------- 股票市值 : 21680元 剩餘現金 :136250元 組合淨值 :157930元 組合本月收益表現: -0﹒95%(截至上月底止組合淨值:159444元) 組合累計收益表現:+50﹒41%(本金105000元計)(2016年8月開倉) *數據截至今日11:15am
*公司回購對缸友有咩著數?*
假設一間公司今年賺咗1000蚊,發行嘅股本有100股,咁每股盈利就係10蚊。公司若想將賺到嘅錢攞去回饋股東,可以回購,亦可以直接派息。假設佢揀咗喺市埸回購50股兼註銷,咁發行股本就會減少至50股,故每股盈利就會變成1000蚊╱50股=20銀,變相缸友持緊貨嘅價值會變大。 喺公司立埸嚟睇,回購好似比較派息「抵玩」。回購除咗利好公司股價外,又唔使擔憂股息變動時(哪怕派息率不變),缸友唔歡喜而隨時掟走哂d貨。例如上年每手派息6000銀,今年派得4000銀,難免會有期望落差難接受。不過,公司回購都未必一定喺好,就好似大笨象搞咗咁多年回購,佢嘅股價都無咩起息,以下喺大笨象2016至2019年期間回購嘅記錄:
回購日期 回購規模 回購首日股價 回購期間股價累計 回購方式 (美金) 表現(%) 表現(%) ---------------------------------------- 2016年 8月4日至12月19日 25億 +3﹒5 +34﹒6 庫存
2017年 2月22日至4月12日 10億 -0﹒2 +0﹒5 註銷
2017年 8月1日至11月20日 20億 +0﹒6 -2﹒5 註銷
2018年 5月9日至8月16日 20億 +0﹒3 -5﹒9 註銷
2019年 8月6日起 10億 -1﹒1 註銷 ---------------------------------------- 註:大笨象每次都喺倫敦孖屐回購,上述表現按香江股價計算
只係睇個表,大笨象喺得2016年回購股票擺落庫存,而嗰輪回購股份首日以至整個回購期間股價有明確升幅,之後多輪回購對股價無咩特別大嘅提振作用。 咁佢點解仲要搞回購呢?公司回購嘅原因有好多,阿臣就估大笨象回購喺由於佢大部分嘅投資者兼主要股東都喺花旗國嘅國際大型機構投資者,如果大笨象唔回購走去增加派息,花旗國嘅基金佬喺扣除高達30巴仙嘅股息稅之後,幾乎賺唔到D咩,所以回購對佢哋嚟講著數好多!不過,對於唔使畀股息稅嘅香江小股東嚟講,回購提升股價作用又唔明顯,或會認為大笨象多派息仲好D。睇嚟大笨象搞回購都喺比較想留住大戶投資者多D。
*魚缸料仲要跌,吼定績優股*
講返古臣個倉。阿臣上個星期按兵不動,今個星期都維持觀望。中美貿易戰仍然不明朗,加上全球經濟增長唔多好,再加埋香江政治因素,阿臣估計魚缸要下試去年10月份創出嘅低位24540,淡友先肯收手。故此,阿臣暫時避下風頭,留定茄殊等機會,或到時撈買績優股,依家趁業績期做定功課先!
表列截至8月7日(11:15am止)阿臣投資組合表現: 股份 股數 平均買入價 現價 總值 ---------------------------------------- 港股: 金界 2000股 9﹒65元 10﹒84元 21680元 ---------------------------------------- 股票市值 : 21680元 剩餘現金 :136250元 組合淨值 :157930元 組合本月收益表現: -0﹒95%(截至上月底止組合淨值:159444元) 組合累計收益表現:+50﹒41%(本金105000元計)(2016年8月開倉) *數據截至今日11:15am