過往專欄

　　家有河東獅掌財政大權，丈夫每月等發糧餉？有網民指男同事月入三萬，每月僅獲太太發放1,500元零用錢，被笑指太太將他當仔湊。社工指，若雙方同意上述財務安排便無問題，如屬被迫的話，長遠會釀成不滿。

　　不少男士求婚時，總會說讓太太當財政大臣，獻上整份人工也不計較。有太太在討論區發文，聲稱老公如上繳整份薪金，應該發還多少車錢及飯錢給他，被網民譏笑「你係阿媽定老婆」，不明她為何將老公當兒子般看待。

丈夫月入三萬 全數上繳

　　有網民留言回應，指同事月入三萬，其妻要求全數上繳，每月發放1,500元作零用，支付車費及保險等，十年未有「加價」。「問佢如果唔夠用點算，佢話要『借糧』，下個月扣番，我覺得男人咁樣好無尊嚴！」其他同事知道其苦況，也不敢約他吃飯。另有人說奶奶以前限制老爺日用40元，退休後更減至日用20元，慨嘆「如果我係男人會黐綫」。亦有人說「一個願打，一個願捱」，旁人難以理解。

　　循道衛理觀塘社會服務處助理總幹事蔣志恒指，全職主婦通常掌管家庭財政，分配各項開支。雙職夫婦多數每月供款到共用戶口，支付家庭開支，再各自儲蓄。「曾有任職會計的太太，對丈夫每餐飯、每程車花多少錢都計得好盡，要求丈夫上繳八成收入，無預算他的應酬開支，丈夫呻無自主及私人生活。」

社工：雙方協調最重要

　　蔣志恒表示，有關個案經輔導後，始知原來這位太太想快些儲錢，盼可早些「上車」及生小孩，所以看錢比較著緊。「丈夫也有坦白想法，獲太太體諒，願意將零用錢增至月薪的四成！」他指夫妻間如何處理財務安排，最終看雙方協調，若其中一方感到被迫，長遠會爆發不滿。

　　理財專家李錦表示，如夫婦對全數上繳薪金，再發放零用錢的做法樂在其中，並無不妥。不過，如家有小孩，這樣做對親子理財或會是個壞榜樣。「小朋友會疑惑為何只是媽媽做晒，爸爸是否不能負責呢？」他強調家庭理財教育應是共教（co-parenting），勿只由單方面負責，才是良好行為示範。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」