《古臣周記–古臣》香江短期經濟最差情況已反映，吼買九置新地！

　　《古臣周記》傳統十一黃金周係神州消費旺季，同時亦帶挈香江嘅消費旅遊，刺激香江經濟
。不幸今年遇著新冠肺炎，兩地至今未通關，本港內地旅客熱點幾乎杳無人煙，拖累地產佬同收
租佬上半年純利大幅減少，股價自然隨之而瀉。但係，目前香江疫情明顯受控，政府嘅限聚令亦
逐步放寬，唔少地產佬同收租佬都爬返上嚟些少，究竟呢個板塊仲值唔值得買？仲值唔值得憧憬
呢？

＊本年零售市道最差情況或已反映＊
　
　　首先，本年嘅零售市道最差情況相信已反映！點解？香江最近公布８月零售數據按年跌
１３﹒１巴仙，其實下跌相信都係大家預期之內，始終仲未通關嘛！不過跌幅就連續６個月收窄
，並好過「孖屐」預期。政府都話只要本地疫情趨穩嘅勢頭持續，本地消費氣氛或會進一步改善
；同時限聚令目前已放寬，唔少市民包括阿臣都好耐無外出消費，「孖屐」已經有藉口炒一轉！
　　有數據自然唔係「空口講白話」！以香江商場地標海港城為例，上月１２日至１３日平均每
日更近１８萬人次；扣除遊客基數，本地顧客比舊年同期增長超過２０巴仙，回復至年初疫情前
水平。海港城指，場內６０多間餐廳絕大部分整日滿座，商場２２００多個車位當日爆滿，
Ｇｕｃｃｉ、Ｈｅｒｍｅｓ及Ｃｈａｎｅｌ更重現廣東道人龍！跟住信置（０００８３）公布，
旗下三大重點區域商場：屯門市廣場、奧海城、荃新天地「旺丁旺財」，係過去四天中秋國慶節
長假期人嘅周末人流增幅比起一般的周末錄得平均３３巴仙增長，而商戶嘅營業額亦隨著推廣活
動錄得較一般周末升幅達３成！
　　呢Ｄ數據反映收租佬或嘅收租業務，近期都去返接近疫情前收益水平，加上係低基數下半年
業績一定有唔少反彈，已經有得憧憬下！
　
＊若「健康碼」推出九置將受惠＊

　　第一太平戴維斯最近出報告，追蹤４０個商場嘅數據顯示，全香江商場總體空置率已由
２０１８年９月嘅２巴仙（社會事件及疫情之前）增長至２０２０年９月嘅７巴仙，反映靠本日
消費力可以稍解旅業凋零之憂，但非久遠之計，阿臣估計就係Ｄ收租佬仲未大幅度炒起原因之一
。相信唔少旅遊業者同部分市民都等緊香江政府同神州、馬交政府推出「健康碼」機制，互相豁
免１４天強制檢疫安排。如果成功推出，自然更多旅客來港刺激消費，亦會令短期嘅香江經濟轉
好唔少。由於目前疫情仲未算完全穩定落來，加上有政治爭拗，搞到「健康碼」仲未推出。不過
政務司司長張建宗最近話已經積極同神州、馬交商討，相信成事機會唔細，呢個係第二個憧憬原
因！
　　咁多個收租股佬又應該點選擇呢？阿臣選擇九置（０１９９７）！點解？首先，本港聞名遐
邇商場地標海港城同時代廣場都屬於九置旗下，只要有「健康碼」，呢兩個商場相信會幾受惠，
下半年業績反彈不足為奇！其次，佢由高位都已經跌超過４成，相信都反映咗唔少負面因素係裡
面；股價日線圖上亦反別係３月、５月、８月築咗「三底」，反映喺２６銀上有支持，股價亦話
比大家聽呢個係短期嘅底價。加上佢屬於藍戰士，應該有唔少基金ｈｏｌｄ咗貨，好難再比佢大
跌落去！現水平約３２銀買些少可以作短線部署，短線上望３４銀，但穿３１銀止蝕！
　
＊發展商佬首推新地＊
　
　　發展商佬都值得大家留意！以宏觀角度去看，美聯儲已經先祭出「無限量寬」，仲話超低息
政策好可能維持到２０２３年，意味香江亦會維持低息水平，大量資金同時䆁出及流入市場，自
然令資產價格提升，屬性較保值的樓市可能會受追捧。再講，香江樓價主要由「孖屐」流動性所
主導，只要資金沒有顯著流出香江，相信樓價短期調整唔到太多。中原城市領先指數（ＣＣＬ）
今年仍處於約１７０嘅高位，估計主因用家需求強勁，息率亦低企，所以相信今年下半年發展商
佬Ｄ賣樓業績未必似大家想像般差，反而下半年可能有復甦勢頭，已經又有藉口比資金去炒！
　　另外，美銀指，現時香江地產股股價較資產淨值（ＮＡＶ）平均折讓約５６％，或較歷史平
均值低２個標準差，反映股價已反映寫字樓或零售資本價值大跌，只有花旗國大選後政治風險下
跌，地產佬價將會出現反彈。
　　新地（０００１６）為古臣首選！點解？首先公司財務穩健，淨負債比率只有１４﹒８巴仙
。其次，公司過去２０年派息穩定，複合增長率６﹒３巴仙，今年度全年派每股４﹒９５元，以
上日（６日）收市價９９銀計算有約５厘，絕對唔少！再以９９銀計，市帳率（Ｐ╱Ｂ）約
０﹒５倍，低於其過去十年嘅中位數０﹒７３倍約三成。如果大家屬於長線投資者同相信長遠香
江經濟將重拾升勢，新地絕對係長線投資好選擇，建議現價約９９銀水平買入，但穿９０銀止蝕
！

＊阿臣買２手九置作短線操作＊

　　魚缸跌到二萬三千幾至二萬四呢個水平，阿臣覺得短期跌無可跌，又未見有咩新導火線。雖
然科技股點都會反彈，但短期會唔會再好似上幾個月咁升法阿臣就唔覺得會，始終舊ｓｔｏｒｙ
都講咗一段時間，又未有新ｓｔｏｒｙ比資金借勢炒，阿臣估計短期主力資金會炒翻Ｄ平都死嘅
舊經濟佬踢一踢翻高個「孖屐」！九置及新地兩隻阿臣都看好，但會買九置，點解？無他，因為
佢較細隻容易炒Ｄ，波幅亦大Ｄ！加上一旦恢復旅遊通關，呢類收租股短期會更受惠！所以阿臣
決定喺３２銀買兩手試試佢！

　　表列截至１０月７日早上１１時００分阿臣投資組合表現：
　
　　股份　　　　　　股數　　　　　平均買入價（元）　　　現價（元）　　　總值（元）
　　－－－－－－－－－－－－－－－－－－－－－－－－－－－－－－－－－－－－－－－
　　港股：　
　　ＳＰＤＲ金ＥＴＦ　　１０股　　１０９７﹒００　　１３６９﹒００　　　１３６９０
　　平安好醫生　　　　２００股　　　　５２﹒９０　　　　９８﹒２５　　　１９６５０
　　阿里巴巴　　　　　２００股　　　２１０﹒５０　　　２８６﹒００　　　５７２００
　　港交所　　　　　　１００股　　　２６４﹒５０　　　３７４﹒２０　　　３７４２０
　　寶尊電商　　　　　１００股　　　　８２﹒９０　　　　８３﹒７５　　　　８３７５
　　九龍倉置業　　　２０００股　　　　３２﹒００　　　　３２﹒４０　　　６４８００
　　－－－－－－－－－－－－－－－－－－－－－－－－－－－－－－－－－－－－－－－
　　股票市值　　　　：　　２０１１３５元　
　　剩餘現金　　　　：　　　３６４１４元　
　　組合淨值　　　　：　　２３７５４９元　
　　組合本月收益表現：　　　＋１﹒５％（截至上月底止組合淨值：２３３８３４元）
　　組合累計收益表現：　＋１２６﹒２％（本金１０５０００元計）（２０１６年８月開倉）
　
　　＊數據截至１０月７日早上１１時００分