RSS訂閱 《笑傲缸湖》常言道：「成功靠父幹」！盈盈就覺得呢句嘢幾口啱，尤其喺香江呢個寸金尺
土嘅地方，要白手興家發達就好似發夢一樣，直頭係ｍｉｓｓｉｏｎ ｉｍｐｏｓｓｉｂｌｅ！
咁如果無父幹到底可以點發達？或者大家可以試下「靠母幹」！
事關有消息話，神州最有錢女富豪、身家有成１３３億美金嘅龍湖集團（００９６０）大股
東吳亞軍，已經將家族理財室交咗比個女蔡馨儀打理！哇講到呢度，盈盈羨慕都不得了！要講吳
亞軍有幾多米，唔該先睇睇個彭博全球富豪榜，佢嘅身家都上到第１１０名架！可能你會覺得「
車，１１０位有咩咁巴閉？！」ＮＯ、ＮＯ、ＮＯ，盈盈話你知，人哋係白手興家，唔係個個人
都得。再講，今次出呢個消息其實一啲都唔意外嘅，事關之前已經睇到佢想下放權力比個寶貝女
架啦！
有指其實早係兩年前，蔡馨儀仲讀緊清華大學計算機科學碩士嘅時候，吳亞軍就已經將龍湖
嘅高近４４％股份轉咗比個女啦，依加再比埋個理財室佢管理，睇怕都係想佢學下點管嗰１３３
億美金。而比得錢又點可以唔比權呢！有消息人士就話，蔡馨儀已經取代埋之前雙湖資本嘅負責
人張艷、做咗公司北京總部嘅執行長，連龍湖幾位高層都加入輔佐皇帝女！
更加重要嘅喺咩呀？等盈盈同大家講下。計返吳亞軍喺１９９２年結婚，蔡馨儀都仲喺９０
後，頂盡２８歲仲有大把青春，而且聽聞仲幾靚女添架，美貌及財富並重，簡直成為我哋恨都恨
唔到嘅人生勝利組！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
