RSS訂閱 《笑傲缸湖》依加網上世界嘅發展愈嚟愈發達，好多時候ｃｌｉｃｋ幾個掣就已經可以搞掂
好多嘢。如果想更加方便，甚至可以ｓａｖｅ低啲資料喺網絡上面，咁就唔使每次好麻煩咁入過
哂啲資料啦。不過，盈盈知道網絡世界愈嚟愈多陷阱，喺十分唔安全架！只要由你ｕｐｌｏａｄ
上網嘅一刻開始，所有資料同紀綠都係無所遁形！
話說侵侵最鍾意用嘅Ｔｗｉｔｔｅｒ又爆出將用戶嘅資料外泄嘅消息，話因為涉及嘅用戶資
料都喺儲存咗喺瀏覽器嘅緩存系統入面，所以用緊同一個系統嘅人，係有機會睇到你嘅資料！不
論係電郵地址、電話號碼，就連好重要嘅信用卡資料都會比人睇到！Ｔｗｉｔｔｅｒ就話今次事
件主要都係影響嗰啲有喺佢哋平台賣廣告嘅商業帳戶。佢哋就話喺５月２０號就發現有關事件。
發生咗足足過咗成一個幾月先至公布！盈盈真心覺得啲資料安全好危危乎！
雖然Ｔｗｉｔｔｅｒ都第一時間道哂歉，又話未有證據指有用戶帳單資料被洩露，又話佢哋
發現之後已經第一時間處理，依加已經無事，同埋佢哋之後會避免同類型事件再發生。但其實Ｔ
ｗｉｔｔｅｒ都唔係第一次出現呢啲安全性嘅問題，就好似２０１８年嘅時候，佢哋就試過因為
內部洩露而叫啲用戶改密碼。所以計盈盈話，真喺唔好以為嗰啲咩社交平台好安全就咩資料都ｓ
ａｖｅ低哂，唔係嘅話，下一個資料外洩嘅人就喺你！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
