笑傲江湖

22/01/2020 15:58

《笑傲缸湖》TOMICA玩具車有新搞作,車款竟然由佢哋操刀?

  《笑傲缸湖》每個人都有唔同嘅童年回憶,盈盈都唔例外。盈盈就男仔頭啲,細個就超鍾意
玩模型車,因為每一架玩具車,有唔同COLOURS、線條設計、型號同牌子等等,真係會玩
到停唔到手!唔知缸友有無同感呢?如果要數一個最出名整玩具車嘅品牌,就非日本嘅TOMI
CA(多美卡)莫屬喇!
  唔講唔知,原來TOMICA發售超過1050種車型,累計銷量已經超過6﹒7億輛。最
近TOMICA宣布,TOMICA將會同豐田等車企合作,發售聯名TOMICA玩具車。豐
田、本田同日產嘅現役設計師,仲會為TOMICA設計特別車款,由4月開始逐漸上市。
  你哋無睇錯呀!真車嘅設計師的而且確設計玩具車呀!呢個就係盈盈鍾意TOMICA模型
車嘅原因!佢啲車都係由設計真車嘅設計師包辦,果種真實程度係其他牌子無辦法比擬。
  適逢TOMICA迎來發售玩具車50周年,最近佢召開咗記者會,宣布會喺今年10月舉
辦粉絲感謝活動。嘩!越講越期待呀!唔知TOMICA仲會唔會出啲聯乘車款呢?
  依家可能已經少咗小朋友玩呢款玩具車,好多都已經轉咗打機,例如MARIO咁囉!盈盈
真係覺得好可惜架!盈盈始終覺得,玩呢啲可以揸上手嘅玩具車,比打機更加有「質感」同觀賞
價值。真正嘅「愛車」之人,絕對唔可以唔收藏呢類型玩具車呀!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
練好基本功
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力