RSS訂閱 《笑傲缸湖》唔知大家平時會唔會有天馬行空嘅想法呢？諗完之後，會唔會落手實行呢？盈
盈聽過一個講法，話成功人士之所以會成功，係因為佢地諗完之後會做，而且係出盡力做，若然
成果標青，受到舉世觸目，就會變成我哋成日喺電視見到嘅「勵志型ＫＯＬ」啦！
Ａｍａｚｏｎ（亞馬遜）嘅ＣＥＯ貝索斯（Ｊｅｆｆ Ｂｅｚｏｓ）就係個好例子。３４年
前佢原本喺普林斯頓大學畢業，主修嘅係電子工程同計算機科學學位，啫係ＩＴ仔囉。之後佢都
打過幾份工㗎，不過都同ＩＴ有關，但同而家佢搞嘅網上零售無乜關係，當時佢仲去過對冲基金
德邵基金（Ｄ﹒Ｅ﹒Ｓｈａｗ）做添，皆因間基金始創人都係做ｃｏｍｐｕｔｅｒ
ｓｃｉｅｎｃｅ嘅。
哇，如果照貝索斯呢條路咁行法，睇怕佢成世人都只會係個默默無聞嘅ＩＴ仔，每年逗緊９
﹒２萬美金人工，邊得好似而家咁，成為世界科網巨企嘅話事人，仲做埋全球首富，身家有成
１１６４億美金，係一個ＩＴ仔唔飲唔食１２６年嘅身家！嗱嗱嗱，勵志故事發展下去，呢個時
候，佢嘅創業大計出現啦！佢喺一次旅行途中，寫咗成立Ａｍａｚｏｎ嘅計劃書，之後就喺屋企
嘅車房宣布公司成立。
不過，有人話貝索斯係自由主義者啦，佢連開公司方式都好自由，想點就點。近排第一屆亞
馬遜ＳＭＢｈａｖ峰會舉行，佢就同公司印度負責人兼高級副總裁阿米特傾過，話過去２５年
Ａｍａｚｏｎ嘅發展實在超出預期。佢話原本想建立嘅公司，唔係好似而家見到咁，佢仲回憶話
公司啱啱成立果時，要自己揸車送包裹去郵局㗎。
跟著阿米特乘機問老細，如果你當初搞Ａｍａｚｏｎ唔成功咁點呢？Ｊｅｆｆ就話，試下搵
一啲我哋以前無冇做過嘅事，就算做衰咗亦算係高質量嘅失敗，而一次成功所帶來嘅回報，就抵
得返十幾次失敗嘅代價。
貝索斯仲話，如果真係搞衰咗Ａｍａｚｏｎ，「可能會喺某個地方，做一個非常快樂嘅軟件
程式編寫員（ｐｒｏｇｒａｍｍｅｒ）」，即係做ＩＴ仔！
盈盈覺得，而家我哋聽佢講好似講得好輕鬆，但佢背後可能真係失敗過好多次先有今日嘅成
就，人地唔講出嚟，可能只係謙卑。所以呢啲故仔都係俾大家參考下，自己嘅人生，當然要睇自
己造化啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
