RSS訂閱 《笑傲缸湖》講起蘋果相信好多人都會同盈盈一樣諗到「唉瘋」，因為以前蘋果仲係一枝獨
秀嗰陣，一講起智能手機個個都會諗起佢。不過，近年蘋果嘅競爭對手開始多，所以最近都要出
低價機谷銷量。面對日漸飽和嘅市場，蘋果都要開始搵新出路。
最近，有外媒就發現蘋果依幾年持續地收購ＡＲ技術公司，好似喺ＡＲ╱ＶＲ平台上面有搞
作。喺２０１７年嗰陣，蘋果曾經推出ＡＲ開發平台ＡＲＫｉｔ，並且發展到宜家不知不覺已經
係３﹒０版本。而今年１０月嘅內部會議上面，蘋果公布計劃喺２０２２年發布具備ＡＲ及ＶＲ
功能嘅頭顯，類似ＶＲ一體機，並將喺２０２３年推出更輕便嘅ＡＲ眼鏡。
由佢地嘅ｄｅｍｏ可以睇到，新裝置有外部攝影頭，可以拍攝同追踪現實環境，再轉化為數
字信息，咁樣ＡＲ物體會疊得更加準確，而且有別於依家市面上嘅其他ＡＲ眼鏡，蘋果頭顯嘅鏡
片用咗高分辨顯示鏡，唔單止可以睇到超細嘅字體，仲可以準確地繪製房間。之前有報導指，蘋
果嘅頭顯可做到單眼配置８Ｋ分辨率嘅顯示精度。
另外，佢地名為Ｎ４２１嘅項目就更誇張，目標係可以做到全日戴住都無問題。既然可以全
日戴，佢嘅外型就同普通嘅貴價太陽眼鏡相近，但因為要塞電池同晶片，佢嘅邊框會比較粗。當
你用緊ＡＲ功能時，鏡片仲會變色，用嚟提醒其他人添。
蘋果首席執行官Ｔｉｍ Ｃｏｏｋ之前話過，希望ＡＲ眼鏡可以好似依家智能手機一樣用途
咁廣泛，可見蘋果未來嘅發展方向會係點啦。盈盈都好想睇下蘋果講到咁犀利嘅ＡＲ眼鏡實物，
同埋都希望佢呢個夢想可以早日實現。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
