RSS訂閱 《笑傲缸湖》話說花旗國總統侵侵好鍾意發推文，佢曾經話過花旗國同神州貿易每年要蝕
５０００億美金，就依個貿易問題，所以同神州嘈咗差唔快兩年，仲搞到香江魚缸搖擺不定。究
竟５０００美金係咩概念呢？咁啱，成日畀侵侵批評嘅花旗國聯儲局話，因為全球氣候變化，花
旗國五年就無咗５０００億美金。
紐約聯邦儲備銀行執行副總裁Ｋｅｖｉｎ Ｓｔｉｒｏｈ喺風險論壇上講，由於氣候同天氣
嘅相關事件，過去五年，花旗國經濟遭受超過５０００億美金嘅直接損失。依條數盈盈覺得無誇
大，因為就喺單單今年，花旗國就先後遭受東部沿海地區嘅５級多里安颶風，同埋加州嘅重大山
火，依兩場自然災害都係花旗國史上影響極嚴重。為此，花旗國議員仲將氣候問題提上議程更高
位置。
可惜嘅係，佢嘅總統侵侵一心只關注股市，同神州每年貿易賺多咗佢幾多。係今年６月１日
，侵侵正式宣布退出《巴黎氣候協定》，依個消息引起全球轟動，遭受很多各國官員、學者同主
流媒體嘅批評。
Ｓｔｉｒｏｈ仲話，佢提出依點並不代表佢成為氣候活動主義者，佢只係覺得對自然災害應
該應該採取風險管理，而唔係單單考慮點起可以防災嘅工程。佢認為氣候變化會破壞業務運營，
破壞資本、中斷經濟活動並造成損失。另外，都會影響消費者情緒，從而促使其轉向低碳消費方
式，依Ｄ都會為企業帶來損失。佢希望政府可以更長遠咁考慮國家未來，多點關注一下全球氣候
變化依個大議題。
盈盈覺得Ｓｔｉｒｏｈ非常有遠見，同時覺得佢好似兜個圈諷刺緊侵侵成日掛住減息、加關
稅咁，要關心氣候變化問題，咁先至係長遠經濟發展之道呢！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
