RSS訂閱 《笑傲缸湖》花旗國聯邦政府依家要求緊汽車製造商，喺電動同混合動力汽車度安裝一個噪
音裝置！即喺當架車以低速行駛嘅時候，佢可以發出Ｄ聲去提醒吓周邊嘅人，避免玩緊手機或者
視力唔太好嘅行人，留意唔到架車而發生意外！依家有Ｄ製造商仲可以畀車主自己選擇佢哋鍾意
嘅提示聲添。
事源喺花旗國家公路交通安全管理局（ＮＨＴＳＡ）喺２０１８年２月嘅時候，修訂咗一個
規則要求電動汽車同混合動力汽車喺低速行駛時會發出聲音，以防止傷害到行人。不過，
ＮＨＴＳＡ近排就延長咗最後期限去到２０２０年，話歐盟銷售嘅車就必須喺２０２１年以前完
成呢Ｄ裝置。
電動汽車其實比內燃機更加安靜，而電動車唯一嘅噪音通常喺由風阻或者喺輪胎噪音，而呢
Ｄ聲都喺有返咁上下車速先有可能發出！所以新規定就要求所有重量不超過萬磅嘅新製造嘅電動
車，以每小時１９英里或更低嘅速度向前或向後行駛時，都要發出聽得到嘅噪音。ＮＨＴＳＡ表
示，當Ｄ車如果好高速咁行駛就唔需要發出警報喇，因為輪胎同風噪聲都已經話咗畀行人聽依度
有架揸得好快嘅車。
有Ｄ汽車製造商就已經諗緊點樣可以喺呢個新政策裡面賺錢，就好似保時捷有專門為電動
Ｔａｙｃａｎ跑車研發咗「電子運動音效系統」系統；ＢＥＮＺ嘅電動車ＥＱＣ就挑選咗人工嘅
嗡嗡聲；而大眾汽車公司嘅ＩＤ﹒３電動汽車將會喺２０２０年入展廳嘅時候安裝低噪聲假音響
；梅賽德斯旗下高性能品牌嘅ＡＭＧ就會同搖滾樂隊林肯公園合作，去製更加低音嘅聲音。
盈盈覺得花旗國地方大，好多車可能唔會慢慢行，如果條例喺香江度搞，一定唔會再有一個
安寧嘅地方！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
