RSS訂閱 《笑傲缸湖》蘋果公司每次公布新「唉瘋」（ｉＰｈｏｎｅ），大家會好關注有咩新功能之
外，用家仲會好留意手機嘅顏色！皆因手機顏色喺好影響用家換一部新手機嘅衝動，就好似早年
神州嘅用家們，因為一部金色「唉瘋５ｓ」而爭崩頭！
咁大家有無諗過手機嘅顏色再唔喺固定，而係可以任意地變換呢？麻省理工學院喺最新嘅研
究就發明咗一種油墨Ｐｈｏｔｏ Ｃｈｒｏｍｅｌｅｏｎ，呢種油墨只需要噴一次喺手機表面上
，就可以利用光線程式去設計顏色，而且可以無限次咁改變。呢個油墨唔似夜光顏料咁一定要等
到天黑咁固定嘅條件下先可以顯示，而係由三原色（紅、黃、青）嘅光去變色染料混合調配而成
，跟住利用紫外線（ＵＶ）同可見光源去改變油墨嘅色彩同圖案。
如果呢種技術係ｗｏｒｋ嘅話，未來就唔單止運用喺手機殼度，仲可以應用喺波鞋或者喺汽
車上面！呢項研究主要作者之一Ｙｕｈｕａ Ｊｉｎ表示，呢種特殊染料可以做到大量唔同類別
嘅個人化產品，唔單止可以提高生產效率，仲可以減少浪費，令到用戶可以隨便自訂產品嘅外表
，唔需要再為咗顏色同款式再去買同一件產品。
福特汽車見到有商機，即刻同麻省理工學院進行合作，探討點樣可以將呢項技術應用到去汽
車零件生產，提高佢哋嘅可持續發展同新興材料技術上面。
不過，呢個油墨技術都未係完美，唯一美中不足嘅地方，佢仲未可以將所有色彩都納入做光
線程式設計嘅範圍之內，所以研究人員都仲研究緊。或者喺不久嘅將來，呢項技術好快就發展成
熟，咁盈盈就唔做每年都換「唉瘋」喇！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
