笑傲江湖

13/09/2019 15:58

《笑傲缸湖》空中巴士試緊「特別設計」鐵鳥,收集乘客去廁所次數

  《笑傲缸湖》空中巴士(Airbus)近期又有搞作,話想搞個「未來機艙」,雖然話就
話想多啲了解啲乘客,但其實係想透過飛機上乘客嘅數據,幫啲航空公司減低支出,不過今次仲
話打算裝鏡頭喎,唔知大家驚唔驚私隱問題呢?
  作為花旗國波音嘅最大對手,空中巴士上個月開始測試一架有特別設計嘅A350-900
鐵鳥,之所以特別係因為機艙入面布滿晒sensors(感應器),收集晒機上所有嘅大數據

  雖然設計好似有隱私問題,不過空中巴士坦白話,收集乘客嘅行為、消費數據,係為咗幫航
空公司慳錢,又可以解決客人嘅不滿,例如廁所排隊嘅問題。
  電腦會記低機上洗手間開關嘅次數,機組人員就可以知道洗手間使用嘅頻率,令佢哋知道幾
時可以重新添置廁紙同肥皂。
  空中巴士客艙營銷副總裁Ingo Wuggetzer認真咁話,呢個唔係一個概念,亦
唔係一個夢想,而係一個可以幫佢哋知道,放幾多個廁所先係最好嘅方法。
  航空公司亦可以透過數據知道,邊啲座位傾斜咗需要維修,咁就唔使等到壞咗先嚟整。
  國際航空運輸協會曾經估計,2017年航空公司總共產生咗570萬公噸客艙廢物,去到
2027年可能仲會增加一倍,而大數據可以畀機組人員知道需要幾多物資,唔會多亦唔會少,
減少浪費。
  所有大數據最後都會透過機上WiFi系統,喺鐵鳥著陸之後送返去航空公司,仲可以同其
他航班分享數據。
  雖然好處多多,但空中巴士仲打算裝小型鏡頭,話就話監控下幾多人等緊廁所或者浴室,但
為咗解決隱私問題,空中巴士最後都係打算blur咗乘客個樣就算啦,唔知缸友又收唔收貨呢

  不過,缸友又唔使太擔心,因為測試去到今年年尾先完,加上一眾航空公司都未開始試一試
呢啲功能,同埋都唔知佢哋想唔想要呢啲功能,計劃最終可能有變!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
政經專訪
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力