RSS訂閱 《笑傲缸湖》話說科技嘅嘢真係一日發展千里，盈盈學睇電視時候都仲係大部牛龜，依家就
好似薄切切咁，早幾年重講咩高清ＨＤ，咩４Ｋ新款電視，依家竟然進化到８Ｋ。近排泡菜國兩
位大佬三星同ＬＧ又打大交，因為ＬＧ講咗句：你個８Ｋ唔係真８Ｋ。
點解會咁講呢？因為早前有兩間認可機構對三星、ＬＧ同ＳＯＮＹ嘅８Ｋ電視進行一連串緊
密而精細嘅測試，結果發現三星ＱＬＥＤ嘅８Ｋ電視，喺明暗對比值（ＣＭ）得１２％，而
ＬＧ同ＳＯＮＹ就有９０％同７０％。
根據國際準則，ＣＭ愈高，畫面就愈高清，而國際定義８Ｋ電視喺ＣＭ最起碼要有５０％以
上。三星咁樣被人串一串，條氣梗係唔順，三星電子影像顯示業務部總裁韓鐘熙立即撲出嚟反駁
：「有啲人為咗想追上第一，誹謗呢啲招數都係基本嘢嚟。」
咁人地真係又串得起嘅，因為今年第二季全球電視市場數據顯示，三星佔３１﹒５％，拎住
冠軍仲要拋棄好多個馬位，皆因第二名都只係１６﹒５％。所以大家為爭第一，偶爾打下口水戰
都要架啦！不過，三星８Ｋ電視真係一啲都唔平，５５吋新款都賣緊２７２００幾港紙！喂呀，
盈盈都係拎部ＰＡＤ睇蕉ＴＶ、ＭＹＢＢ ＳＵＰＥＲ之類，買唔起咁貴嘅電視。
其實，尷尬嘅點係，就算你部電視係８Ｋ都好，可能有一半時間睇嘢都係蒙查查。點解？因
為依家普遍拍電視拍電影都係用緊４Ｋ拍攝，畫面已經好好，要佢地再換８Ｋ機拍，一時間都唔
會習慣，短時間內都未必流行起來。依家就算有高「筆直」電影，都未必用到８Ｋ機，因為畫面
高清與否，可能要配合劇情同氣氛，太過高清就會無「電影感」。
盈盈覺得，電視整個行業都好似差不多沒落咁款，第日整個咩１６Ｋ高清，意義又有幾大呢
？盈盈都係平時睇下油管嘅飲飲食食嘢，屋企部電視都好似裝飾品咁，十年都唔開一次，幾多Ｋ
都無用啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新etnet健康網購，送你【健骨維他命D3(1000IU)】乙樽(價值$108)► 立即行動！
