RSS訂閱 《笑傲缸湖》以前成日叫外賣都要搵餐廳電話，又要準備散紙，非常之唔方便。不過，自從
有咗外賣ａｐｐ嘅出現，除咗拯救咗無數個廢青嘅胃，仲帶挈咗整個外賣潮，令呢行迅速咁發展
！
研究機構Ｆｒｏｓｔ ＆ Ｓｕｌｌｉｖａｎ最新估計，全球呢行將會好有前景，預測
２０２５年外賣平台總營收可達２０００億美金，比２０１８年嘅８２０億美金增加逾一倍，年
增長率高達１４巴仙。
喺外賣平台之中，Ｕｂｅｒ Ｅａｔｓ就喺最好嘅例子，因為佢自２０１４年成立之後，短
短五年，市值已經達２００億美金，每年營收１４億美金。Ｕｂｅｒ Ｅａｔｓ嘅業服喺全世界
嘅６７０個城市都有，每年大概會運送近１０億份餐點。
雖然話就話外賣ａｐｐ嘅升值潛能好大，不過呢行嘅競爭都相當激烈，點樣可以突圍而出呢
！？公司普遍就會用掠奪性定價（ｐｒｅｄａｔｏｒｙ ｐｒｉｃｉｎｇ），即喺以低於成本嘅
價錢去爭奪「孖屐」佔比，等到控制到嗰「孖屐」之後，先提高返個價格。不過，唔喺個個都可
以成功，有部分公司就減價得太犀利而頂唔順，中途黯然退場。
當喺一個咁激烈嘅廝殺之下，外賣公司唔諗Ｄ計仔都唔得，例如有公司嘅新做法係整個「雲
端廚房」，即喺指專為外賣而設立嘅餐飲設施，將外賣送到去一個集中點，再畀顧客自己去嗰度
食，而同一般餐廳相比，呢類設施嘅資本投資較少，可以減少送外賣成本。另外，都有部分公司
走去送埋原材料，即係將農夫採收嘅農作物送到去倉庫，之後再配送到去餐廳！盈盈覺得呢間外
賣公司嘅創意真喺爆哂棚呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
