傳聞

02/07/2020 15:58

《笑傲缸湖》QQ為乜畀人呃?原來遊戲禮包碼好矜貴!

  呢幾日神州有單新聞成為唔少人茶餘飯後嘅話題,就係QQ疑似畀人昆呀!哇,貴為市值近5萬億元嘅香江股王、神州手遊一哥都畀人昆?睇真啲,原來呢件事仲牽涉另一個超級大brand,就係調味料品牌老干媽,花生指數直線飆升!
  香江人對老干媽應該唔係太熟,事關超市係無得買嘅。不過,佢對神州人嚟講可以話係「神聖」嘅存在,呢樽辣椒醬由辣椒、發酵過嘅豆同油製成,據聞不單止味道上乘,仲有多層次質感,唔少港漂就係靠佢解鄉愁。近年亦成功俘虜唔少外國人,代購210g已經索價近80銀港紙。如果仲未知佢有幾勁,盈盈再講多個例子,喺2007年,深交所副總經理王紅親自拜訪,表明歡迎佢去深交所上市、發債,話會提供專業支持呀。
  而今次就係QQ要控告老干媽無按照上年簽嘅合同畀廣告費,凍結佢名下約1624萬人仔財產。不過老干媽盲發聲名話從未同QQ合作過,警察仲好快拉咗三個疑犯,話佢哋假冒老干媽名義簽合作協議,目的居然只係為咗QQ送嘅遊戲禮包碼。唔通遊戲禮包碼好值錢?事關要令QQ相信,犯罪成本應該好高。
  原來,禮包碼真係可以好值錢。神州有案例,有個「德州撲克」玩家,以單個游戲幣低過官方嘅價格由玩家手中回收再賣出,從中賺取差價,喺短短兩年間獲利高達1500萬人仔。神州網民推斷,今次涉及嘅係「QQ飛車」手遊,二手飛車禮包價格大多在10至50銀人仔左右,一般都係衫、頭髮等角色裝扮,如果係賽車皮膚嘅禮包,大部份100銀人仔樓上。
  QQ未透露喺呢件事上嘅實際損失,但唔知係咪覺得無面,淨係喺微博回應「一言難盡」,而為咗防止類似事件再發生,會送出1000瓶老乾媽嚟徵求類似線索喎。有律師話,呢次QQ受騙好大機會係合同審核流程同法務管理制度,都存在著重大嘅紕漏。
  唉,只可以講心急做生意嘅商家佬仲有好多,但處心積累嘅騙子更多,希望QQ盡檢討下問題出喺邊度,下次把關嚴謹啲,如果唔係等到上晒報先知自己畀人呃咗,會好打擊合作夥伴同公眾對公司嘅信心。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
1分鐘學投資
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力