傳聞

14/11/2019 11:58

《魚缸博客》新魚毛滔搏(6110)被低估,上市價附近可掃貨

  雖然今日香江示威情況好似有啲減弱,但中環轉頭應該又會「和你LUNCH」,缸友都「怕怕子」唔太敢買貨。不過,其實都可以為之前新魚毛熱炒降下溫,回歸去基本因素睇下。
  滔搏(06110)上市之後已經有評級佬麥格理唱好,但之後踢高動力都唔太大,高位10﹒5銀都只係較上市價高近24巴仙,而家仲借勢縮咗水。不過,博客就認為,「孖展」真係太低估佢,近期如果跣低到上市價(8﹒5銀)其實可以掃貨。
  新魚毛一般都無評級佬唱好,因為成績表太少,好難預計未來嘅賺錢能力,不過如果連大摩、中金都決定撐起佢,一定係有啲理由。
  大摩噚日就坦明話,滔搏作為神州一流嘅運動服裝零售商,其實扮演緊特別重要嘅角色,相信將會成為「孖展」增長嘅主要受益者,所以首予佢「增貨」評級,「他屐」12﹒1銀。
  另外兩個評級佬嘅睇法都相似,瑞信首予「跑贏魚缸」評級,「他屐」11﹒61銀。中金首予「優於魚缸」評級,「他屐」11﹒75銀。計埋高佬、富瑞、瑞信,滔搏而家已經有六個買貨評級,平均「他屐」逾11﹒7銀,比現價高近三成,所以作為新魚毛真係好吸引!
  至於基本面方面,中期純利多逾兩成一,收益都多咗逾一成二,毛利就多近一成半,成績唔算特別好,所以放榜當日都縮水近1巴仙,之後一日仲大劈近3巴仙。但下半年表現應該會好啲,加上大摩估佢下年調整後淨收入會多兩成,未來前景應該都相當唔錯。
  部署同走勢上,滔搏始終都係入缸一個月到,啱啱先見到十天線同廿天線,未必有技術走勢可言,不過現價近9銀都係比上市價微高近6巴仙,而穿上市價嘅機會都比較低,所以未有貨嘅缸友可以喺8﹒5至8﹒75銀附近買貨。
  不過,缸友期望唔好太大,始終都係半新魚毛,未必日日都有炒作,所以短中線都係睇10蚊左右。而喺差唔多出全年成績表前後,都可以睇高上各評級佬嘅平均「他屐」嘅~

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
風水蔣知識
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力